【萬千星輝頒獎典禮】胡定欣冧莊奪最佳女主角 攬拳佬陳展鵬
撰文：郭敏玲
出版：更新：
定欣一拎獎，即刻攬攬展鵬。（網上截圖）
毫無懸念，上屆視后胡定欣再下一城，憑《城寨英雄》的刁蘭奪得視后一獎。她冧莊攞獎，隨即滿場飛擁抱周圍同事，當然少不了陳展鵬，今次再得獎，她心情似乎比去年輕鬆，「一年時間過得好快，去年真的好愕然，因為冇諗過拿這個獎。好似發了一場夢，再次踏上舞台。」其後她都例牌多謝珍姐、Sandy、杜先生等高層，還特別多謝《城寨英雄》監製文偉鴻，笑言對方經常給她挑戰。講到同劇上下，定欣希望拳佬陳展鵬都可以拿視帝。
事後大家都要求定欣與展鵬咀對咀，最後都勉強交貨，展鵬錫定欣面豬4秒，話大家開心都OK。問到定欣會否想與展鵬Keep住做緋聞情侶一齊搵真銀？她說：「搵錢唔係最重要，重要都係可以搵到一個好對手一齊去工作，大家可以演一齣好戲，互相學習，已經好開心。」有無機會同展鵬嚟真？定欣就話：「工作為先，而家真係無時間呀。」
今年TVB神劇《城寨英雄》，收視除了高收，一眾演員都十分矚目。一直都未做過打女的定欣，為了此劇下了不少苦功，在劇中與陳展鵬所演的拳佬更成為了經典熒幕情侶，仲傳埋緋聞。無論如何，定欣再奪視后，好多人都滿意結果。
視帝視后係咪真係好登對？
【萬千星輝頒獎典禮】《城寨英雄》奪最佳劇集 攬四大男女主角獎