【萬千星輝頒獎典禮】張頴康奪飛躍男 多謝老婆：一直咁推動我
撰文：郭敏玲 溫菁莉 林通賢 何志衡
出版：更新：
（梁碧玲攝）
張穎康早前在馬來西亞《TVB馬來西亞星光薈萃頒獎典禮2016》奪得「飛躍男」，今日台慶頒獎禮再下一城，奪得「飛躍進步男藝員」獎，這個遲來的收穫，總算來到了。
他領獎時心情激動，全程眼濕濕說：「我話過唔喊，其實TVB有好多有實力嘅演員，我上次喺馬來西亞只係掛住多謝老婆。我要多謝劉德華，介紹我入行入訓練班。」之後他又多謝TVB高層、家豪哥和小青姐，當然唔少得再次多謝老婆麥雅緻：「唔好介意！老婆多謝你一直咁支持同推動我，繼續發呢個夢！冇你唔成事，我一定努力工作同照顧我嘅家庭。」
張穎康太太麥雅緻台下睇住老公攞獎，激動落淚。（網上截圖）
張穎康由天王劉德華提攜下，至今已入行16年，但大多演著3、4線的角色，他曾道出自己曾轉行做文員的故事，但有賴太太麥雅緻的無條件支持，講到：「你繼續發你嘅夢啦，錢唔好再諗，屋企由我嚟頂！」，自己才可以無後顧之憂繼續發「演員夢」，如今終於有收獲，張頴康一定會聽恩師劉德華的說話，繼續找到自己的一片天。
【萬千星輝頒獎典禮】《城寨英雄》奪最佳劇集 攬四大男女主角獎
張穎康話唔喊，結果都忍唔住。
黃浩信和朱千雪憑《EU超時任務》贏得「最受歡迎劇集搭檔獎」。（梁碧玲攝）