李國麟隔35年再演《流氓皇帝》 山賊升呢做二叔公:全力以赴囉

撰文:陳浩賢
出版:更新:

無綫近年有不少穿越劇,原來翻拍秋官81年舊作的《流氓皇帝》都係?吓,不是指套劇,而是當年飾演山賊斬崩刀的李國麟,35年後再次拍攝該劇,飾演周麗淇父親易叔恭(二叔公),究竟該劇是否真的如網民所指是一齣膠劇,跟秋官和司棋姐那一齣舊作,又是否無得比呢?《香港01》記者訪問了同時拍了新舊版本的李國麟,由他品評新作就最中肯。

李國麟在新版《流氓皇帝》,飾演周麗淇父親二叔公。
35年前李國麟在《流氓皇帝》飾演山賊斬崩刀。(網上截圖)

《流氓皇帝》雖然被指是炮灰劇,但劇中的二叔公性格縮骨,可以將皇帝夜壼,以3個大洋賣到50個大洋,低買高賣,相當古惑,而當年這個角色是老戲骨劉克宣飾演,珠玉在前,如何去挑戰舊作呢?李國麟表示:「你都識話珠玉在前啦,我無諗點樣去超越前輩,都係盡自己所能,全力以赴囉。」原來李國麟跟劉克宣相當有緣,早前在劇集《無雙譜》中,李國麟正是飾演老烏龜九千歲,而當年該角卻是劉克宣擔當演出。

 

李國麟(中)《回到三國》飾演劉備,跟馬國明有不少對手戲。(網上圖片)

李國麟表示:「對於翻拍以前嘅經典作品,其實我都好開心嘅,但大家又唔可以純粹懷緬,因為編劇都有新嘢加入去個劇度,只係用番《流氓皇帝》個名啫。」兩齣新舊版本作品,誰優誰劣呢?「又唔可以就咁比嘅,只可以話觀眾層面唔同咗,選擇多咗啫。至於套劇係咪劣咗呢?唔到我哋去批評嘅。」

那麼又如何揣摩二叔公一角呢?「其實演咗咁多年戲,又有番咁上下人生閱歷,監製俾個角色我,咪先構思下點做,點樣用身體語言去表達囉,自己未有演過近似角色,亦都唔鍾意演相同角色,等於廚師咁,公司俾出材料,睇吓自己點煮嘅啫,網民鍾意我都好高興。」

李國麟在《無雙譜》飾演九千歲, 原來舊版是前輩劉克宣飾演。(微博圖片)