【聖誕節】御用傻仔戴耀明約女經驗豐富 醒你最強秘技：未失敗過
撰文：郭敏玲
出版：更新：
呢句對白，睇見都覺得好酸呀！！！
今晚是平安夜，一眾單身、又自稱「毒男」的朋友，要慎重考慮會否出街。就算外出，都要記得要戴黑超，不然會被周圍的閃光彈閃盲。講起毒男，圈中著名人物除了有馬國明及「偽毒」吳業坤，就好似冇乜人？諗諗下，還有戴耀明！
係喎！有「御用傻仔」之稱的戴耀明，可能因為過往所演的角色，外表戇直又帶幾分滑稽，加上他做起此類角色時，誇張得來又入形入格，所以網民除了力讚，都會對戴耀明的印象先入為主，覺得真實的他也是忠忠直直，而且他又未成家立室，總會覺得戴耀明滲透着「毒男特質」。咁，今日平安夜，實會覺得他又過第N年單身聖誕啦！
你睇戴耀明幾CHOK！佢約女仔出街經驗咁豐富，咁而家又有冇女朋友？佢就話：「時有時無。」
戴耀明自己都不避諱，承認曾經試過聖誕節有過「寂寞、空虛、凍」：「我都試過幾年無女朋友過聖誕，咁咪約下啲男仔朋友一齊去蘭桂坊，睇下認唔認識到一啲新嘅朋友囉。」不過，外表毒毒地的戴耀明，其實都有不少約女仔聖誕去街街的經驗，他表示：「我都一把年紀，從中學到現在都有唔少經驗，如果到而家得一兩次，咁就好大劑啦！」經驗豐富的戴耀明又有什麼約女秘技？他就話最緊要有誠意：「最好約女仔之前，就訂好晒餐廳，唔好出到嚟先諗食咩，咁先俾到對方覺得你係有晒準備。不過當然要個女仔都對你有意思先啦！」
必殺技：要有心思
我都知有意思先成事，要怎樣做才可以加到CP值？戴耀明就分享一個萬試萬靈，連佢自己都話未失敗過的方法，就是「我手寫我心」：「我覺得呢個行為幾好，就係喺對方唔知的情況之下，聖誕節之前寄張聖誕卡去對方屋企，卡入面寫住想喺24、25號想約佢去街，如果平安夜唔介意會過得唔平安的話。就會覺得好有心思、好Surprise。」不過寄聖誕卡都要知道對方地址，戴耀明就勁啦，送過心儀對像返屋企。各位單身人士，這個例子是否好勵志？今年聖誕就應該嚟唔切，留返下年加把勁都有一番作為㗎！加油呀。
【夜鬼聽歌】平安夜．其實自己一個聽兵歌更開心……【平安夜】最新兵仔慘情歌 《沒有你過聖誕》聽到想喊【隱世之聲】兵仔最愛《將軍令》作者為情抑鬱：發展機會都是假象【平安夜．有片】偽毒坤哥聖誕冇女陪 鷲哥鬧醒毒男：使驚冇女?
戴耀明早前在《EU超時任務》遇見譚凱琪的一幕，曾經是一時熱話。