【八時入席．多圖】簡淑兒女神愛上兵 阿齊聖誕脫單終於拖到冰冰
撰文：陳奕熙
出版：更新：
12月26日，Boxing Day，唔知大家拆咗禮物未呢！仲懷緬緊你嘅Lonely Christmas拖唔到女神隻手仔？TVB今集《愛．回家之八時入席》就正能量爆發，鼓勵大家兵仔都有出頭天！
話說處境劇一般都有好多角色，亦有好多感情線，其中一條就是由少女標本的簡淑兒（Jessica）飾演的袁冰冰、阿齊（阮政峰飾演）和十仔（馬貫東飾演）的三角戀，三個社會新鮮人在辦公室中發展暗戀、明戀、單戀、相戀，可能會有人覺得關係好亂，但又偏偏又好真實，被單戀的男神可以代入十仔，傾慕男神的女生又可以幻想自己做冰冰，至於長期存在感低落，只有幻想和夢中才能見到女神的宅男，就和阿齊同病相憐。
冰冰和阿齊這一對相當受歡迎。（Instagram圖片）
不過，皇天不負有心人，事實上早在幾個月前冰冰其實已放棄暗戀十仔，轉移喜歡阿齊，唯獨是阿齊被女神暗戀居然仍懵然不知！故事發展到191集，《愛》在早前已經宣布不再添食，不少網民都越睇越心急，到底依對傻瓜情侶有冇機會喺終劇前，有情人終成眷屬呢？
文章的開頭已經講過，今集（191集）《愛》是正能量滿滿的集，講述聖誕節要交換禮物，冰冰和阿齊都為對方花盡心機，但冰冰只送了薑餅人，而阿齊居然送了朱古力，唔係掛？天時、地理、人和統統配合，阿齊竟然不好好把握！唔係真係想做一世兵下話？
到抵拖唔拖手？拖唔拖手？拖唔拖啊？（Facebook圖片）
傻啦，一集半個鐘，好戲不擺在後頭又點令你睇到最後？最後，兩人在大埔林村相遇，終互向對方表白心意，冰冰將親手造的銀包送給阿齊，而阿齊亦終於找到冰冰找了很久的歌，兩人終於拖手正式在一起，可喜可賀！
終於都一齊咗喇！期待大結局兩人一齊拖住手跳起Yeah！（Instagram圖片）
咪住！咁係咪啫係以後8點打開電視都睇唔到Jessica BB喇？唔使擔心，Jessica下年還會參演電視劇《迷》，到時又可以繼續見到Jessica喇！
但《迷》依套劇入面，Jessica好似也是慘豬豬角色，期望到時再有讓世界心碎的眼淚。（Instagram圖片）
【星挑細選】仙氣簡淑兒回憶之歌 初戀男友靠側田《Kong》表白 【高清多圖．專訪】簡淑兒唱歌跳舞唔掂組女團：逼自己學囉！【8時入席】仙氣簡淑兒委屈落淚 網友心痛：令世界心碎嘅眼淚【8時入席】仙氣秘書簡淑兒變新女神 網友讚：笑容令世界停止
《迷》未出街之前，睇住靚相先！
你是我的阿樂。（Instagram圖片）
好可愛啊！（Instagram圖片）
Jessica似乎好喜歡公仔。（Instagram圖片）
電死人咩？（Instagram圖片）