【高清多圖】女神信緣分?簡淑兒鼓起勇氣表白:緣分唔係坐喺到等

撰文:陳奕熙
出版:更新:

TVB處境劇《愛.回家之八時入席》臨近尾聲,開始逐一交代劇情和感情線,而昨日趁着Boxing Day就有其中一對深得觀眾喜愛的小情侶在一起,由少女標本的簡淑兒(Jessica)飾演的袁冰冰(Elsa)終於與阿齊(阮政峰飾演)有情人終成眷屬喇!

《愛.回家之八時入席》中,Elsa終於與阿齊在一起了!

雖然有不少網民都好希望Elsa可以和一直暗戀的十仔(馬貫東飾演)拍拖,不過女主角Jessica卻這樣想:「好多人想我同十仔一齊,但Elsa同十仔已經冇咗㗎啦嘛,大家就係所謂嘅有緣無分,有緣識到,但十仔對Elsa冇意思㗎嘛,但Elsa同阿齊就係有緣有分,有緣識到都識得去把握個機會。」

講真,坐喺到等個天唔會跌一個緣分落嚟,所以真係要把握機會捉住你心愛嘅小手!

講起緣分兩個字,Jessica昨日在劇集出街前亦都在Facebook貼上劇照寫到:「曾經有人同我講過『緣份(分)』呢兩個字嘅意思…佢話,『緣』係上天比兩個人一個相識嘅機會『份(分)』係呢兩個人點去把握個機會...牽手定放手...就睇大家嘅『緣份(分)』。」

Jessica自言小時候都會覺得感情天註定,但現在就覺得應該要自己爭取。(資料圖片)

看來,女神應該很看重緣分?Jessica直言:「細個會覺得感情係天註定,覺得所有嘢唔需要自己爭取,大個咗就會知其實感情上有好多嘢。」她表示是否能夠有緣有分,就是看大家有幾願意為感情付出,好似Elsa和阿齊,若果Elsa沒有決定送銀包,而阿齊又沒有送首歌,就沒機會在一起:「好多人會覺得緣分係天註定,但其實天只會幫到你一半,唔會幫得晒你㗎嘛。」

原來Jessica都會有猶疑要不要告白的時候。(資料圖片)

問到Jessica可會爭取屬於自己的緣分?她就想起曾經遇到一個男生,因為大家住的國家不同,所以好猶疑要不要和他告白:「喺佢要返番自己原本住嘅地方時,我覺得好唔捨得,就發覺鍾意咗佢,我好猶疑好冇同佢講,因為個男仔冇追我,係對我好好嘅,但我完全唔知佢係咪鐘意我。」

Jessica用事實證明,鼓起勇氣表白是有用的!(資料圖片)

Jessica續說,當時想起Facebook上打的那句說話,知道坐着是不會等到緣分,所以就在對方臨走前表白:「好彩佢都答返我同一樣嘅嘢,佢都鍾意我,然後就一齊咗,如果個刻我冇講,佢返番去自己國家,大家都唔會一齊囉。」雖然這是Jessica第一次鼓起勇氣向男生表白,可惜因為維繫異地戀甚艱難,最終拍了大半年拖就分手了。

可惜拍了大半年拖就分手,始終異地戀太難捱了。(資料圖片)

聽完女神講「緣分論」,有沒有鼓勵到你追求心愛的對象呢?祝願大家下年聖誕都可以同你的最愛過啦!♥