【八時入席．多圖】冰冰簡淑兒未拍拖 女神冇富兵仔：等人介紹
撰文：林通賢
出版：更新：
簡淑兒表示沒有男友，亦唔使袁紫僑CoCo(中）介紹富二代，宅男聽到應該開心過年。（林通賢攝）
宅男女神簡淑兒Jessica，今日同少女標本兩位成員出席倒數活動，成員之一袁紫僑CoCo最近就同何家公子何猷君拍拖，不過Jessica就表示自己不會叫姊妹介紹富二代給她認識，她說：「我諗佢識做㗎啦，今晚都係同佢哋兩個工作中慶祝，我冇拍拖呀，等大家介紹俾我啦。」
下星期《八時入席》大結局，簡淑兒劇中飾演Elsa，有不少網民追看，她表示心情有點失落，她說：「啱啱拍完都未有，但下星期就播完，就愈嚟愈有失落感覺，我會好掛住大家，因為呢半年日日見住，每日都見9個鐘，見佢哋多過見屋企人，𠵱家好唔習慣。」
《八時入席》簡淑兒和楊瑞麟都有不少對手戲。
Jessica除了同十仔（馬貫東）、阿齊（阮政峰）好朋友外，原來對時生亦很尊敬，她說：「瑞麟哥係一位好好嘅前輩，之前我有啲新聞令我唔開心，我記得有次我喺休息室講起，時生佢安慰我，話呢行就係咁㗎喇，耐啲就會習慣，佢好融入我哋一齊玩，好錫新人嘅一位前輩。」
少女標本成員袁紫僑CoCo最近同何家公子何猷君拍拖，亦因爲戀情開心，心廣體伴，肥了不少。（林通賢攝）
《八時入席》後簡淑兒會在新劇《迷》出現，角色和Elsa完全不同。
簡淑兒沒有男友過新年，應該令宅男覺得２０１７充滿希望。（張穎倫攝）
網友曾經以「笑容令世界停止」去形容簡淑兒，大家知她在宅男心目中的位置吧？（張穎倫攝）
簡淑兒在新劇《迷》將會做壞女人，宅男很想要吧？（張穎倫攝）
簡淑兒隊友許雅婷kabby，高清下依然零死角。（張穎倫攝）
微胖亦是宅男最愛。（張穎倫攝）
再翻睇簡淑兒，但何家公子何猷君應該只留意CoCo。(張穎倫攝）