花曼帶挈大除夕連踩兩騷 王君馨用視像同老公過年
撰文：林通賢
出版：更新：
王君馨第一次走兩場做倒數騷，她感謝《城寨英雄》花曼的人氣，亦多謝編劇嘅功勞。（林通賢攝）
《城寨英雄》令王加馨人氣急升，還令她得到不少賺錢機會，今日她就到銅鑼灣出席倒數活動，她說：「我十年來第一次一日有兩個倒數活動，真係要多謝《城寨英雄》花曼嘅帶擘，做完呢到就要去澳門同香香一齊做倒數騷，我一定會問返佢婚禮嘅過癮事。」
王君馨多謝《城寨》效應，不過早前編審在微博發文，指部份藝員沒有在頒獎禮上多謝編劇，王君馨表示只是因為時間問題，她說：「我哋時間其實唔係咁多，所以用台前幕後概括哂，我哋當然記得每一位嘅功勞啦，如果要講晒真係仲有好多人，不過我哋私下真係有逐個感謝，冇佢哋每一個我哋點會成功呢？」至於君馨的老公就身在外地，她要用視像通訊與他慶祝新年，她說：「佢嗰邊慢我12個鐘，我惟有同佢video chat，不過聽朝11點我就同Sherman（鍾舒漫）排舞，但我會記得嘅。」
王君馨將會和鍾舒漫出歌，明天１月１日亦約了對方排舞。（林通賢攝）
王君㿦今日在倒數活動上，又唱又跳，之後更會同鍾舒漫合唱出歌，她說:「呢個計劃諗咗3年，我哋聽日又會排舞，因為好難跳，希望可以俾啲新嘢觀眾，今次我哋自己搵贊助、搵衫，希望做到自己好想要嘅嘢。」