【無間道】蘇麗珊做卧底跳艷舞 全靠梁靖琪壯膽支持
撰文：鄺鈺瑩
出版：更新：
對於自己的舞技，蘇麗珊說好滿意。
這場被強吻的戲，NG了好幾次，蘇麗珊說自己拍攝時好緊張。
斥資逾一億元人民幣的網劇《無間道》，雖然國語配音問題令到網友紛紛棄劇。不過，如果睇到蘇麗珊跳艷舞一幕，又會不會回心轉意呢？
在日前播出的第二集當中，講述卧底王陽到夜總會搶羅嘉良的販毒生意，期間遇上扮陪酒女郎潛伏羅嘉良身邊也是卧底的蘇麗珊，情急下王陽強吻蘇麗珊，雖然非首次拍吻戲，但蘇麗珊都話好緊張。「拍強吻戲要做掙扎反應，有幾次因為撞嘴要NG，再加上緊接我摑王陽一巴，反應不連接又要NG，又要再錫和再打。王陽好好，他叫我不要就住打，要狠狠真打，真係打到佢面腫㗎，非常不好意思！」
蘇麗珊在劇中演剛出學堂，滿腔熱血，立志繼承爸爸遺志的女警。為了打好份工，所以就算做卧底跳艷舞都無計。
做得陪酒女郎，又點止吻戲咁簡單，接下來一幕，身穿tube dress的蘇麗珊要在眾人面前跳艷舞，不過她就似乎唔多滿意效果。「「第一次在鏡頭前跳舞，條裙又短又低胸，兼要在嘉良哥面前跳，心情非常緊張，但都要硬着頭皮跳。因為我不懂跳舞，但身旁的女仔又扭得好厲害，所以拍攝前要接受特訓才夠膽在鏡頭前跳。好多謝Toby（梁靖琪）花一日時間去教我，收工亦留下來陪我壯膽，給我很多信心和支持。」