歐陽巧瑩計劃向男友林師傑求婚　不怕鹹豬手續拍《三日兩夜》　

可能是最多男性收看的節目《三日兩夜》，今日在尖沙咀舉行團年飯活動，更宣布《三日兩夜》將會暫停…..不用擔心，是暫停6個月，等到夏天又會再拍新一輯，去拍旅遊節目當然去到盡，歐陽巧瑩表示好想和男朋友去毛里裘斯拍攝，還會順手求婚兼影婚紗相，她說：「當日是我追求他的，有什麼所謂？鍾意咪追囉，我是一個好主動的女仔，我一直都想做主動求婚的那一個，我會向他求婚，他都知我有這個想法，不過佢話你快得過我求先啦。」林師傑真是幸福！

不過拍《三日兩夜》並不是想像中舒服，亦有辛酸史，歐陽巧瑩在記者會上自爆拍攝濟州特輯時被「胸襲」， 但她沒有怪責團隊，因為都明白外國人有時過分熱情，她說：「我去玩泥漿節，那次他們就用蕃茄加泥漿互掟，我當時著泳衣加件背心在外面，怎知我後面有個南亞裔人，就攞住蕃茄同埋泥一手塞入我個胸，直頭成個掂哂咁先出返嚟（他「胸襲」你？）直頭勁過『胸襲』啦，我都唔知呢啲叫咩？當時正在roll機，但我都爆粗喇！因為太突然，我冇怪任何人，大家都唔知會咁，事後當然cut咗嗰part啦，之後我都繼續拍嘢。」如果有男友林師傑一同拍攝，應該不會再發生「胸襲」意外吧！