龔柯允翻唱梅姐名曲《抱緊眼前人》 事前要做拼音:我唔識睇中文

撰文:吳子生
出版:更新:
龔柯允今日一身中性打扮亮相《勁歌金曲》音樂節目錄影。(陳順禎攝)

龔柯允Karen 今日(21/9)現身電視城出席無綫音樂節《勁歌金曲》錄影。Karen表示:「今日係以梅艷芳為主題嘅特輯,咁所以我特登以一身中性嘅打扮造型上台去唱梅姐嘅歌,希望可以唱佢嘅歌時候,可以梅姐上身咁去演繹佢嘅經典名曲。不過當我知道要唱梅姐嘅《抱緊眼前人》呢首歌嘅時候,我就同自己講一定唔錯得。係因為我本身唔識中文,而且廣東話發音又唔準,咁所以我就將成首歌詞要做拼音去唱,就好似噚晚咁,我係緊張到瞓唔到,不過頭先成功完成,可以鬆一口氣。」

龔柯允今晚會獻唱出梅艷芳經典名曲《抱緊眼前人》。(陳順禎攝)