魏秋樺（Bonnie）今晚（28/9）現身香港電台接受電台節目訪問。Bonnie早前參與香港金像獎名導演陳果執導的電影《鬼同你住》後，再接拍另一套新鬼片，Bonnie就話擔戰心驚：「其實我拍得多呢啲戲我係好驚㗎，而且經常性會遇到怪事，佢哋都係整蠱吓我，對我嚟講冇咩大傷害。」

Bonnie續說：「好記得有次喺大陸拍戲，去咗一間軍人退休宿舍嗰度住。有晚熄咗燈後瞓覺，就聽到兩個人喺度傾偈講土話，我聽唔明。當時我以為喺隔離房傳過嚟，於是起身開燈，但又冇聲。於是再熄燈再瞓，又聽到，咁我知道情況不妙，唯有同佢哋講我嚟拍戲，拍幾日就走，用過嘅房間我會執拾好先會走，然後瞓覺就真係冇聲，一瞓就大天光。」