青年心城｜連環拋黎明金句玩致敬 監製：聽落似亂蹹細嚼極有智慧
撰文：鄺鈺瑩
出版：更新：
黃紫恩昨晚在劇中嘅一take過喊戲獲觀眾讚賞。（影片截圖）
無綫劇集《青年心城之撐起青春》起用不少新人，當中包括游嘉欣、林正峰、黃紫恩（JoJo）及王虹茵（Sharlene）等。昨晚播出第二集後，JoJo在劇中曾兩度提及「姓黎嘅哲學家」，隨後更大拋金句，因而引起不少網民討論，紛紛好奇所指何人，有網民笑指係「黎根」。不過JoJo講嘅「要成功只有一種方法，就係唔好去諗有咩方法，繼續去試、繼續去做，你做到之後就會知道用咩方法」，係天王黎明嘅金句之一；而在劇中尾聲時出現嘅水杯，上面印有「坎坷過後有艇搭」字樣，亦係黎天王另一為人熟悉嘅金句。
JoJo在劇中提到嘅「姓黎嘅哲學家」，原來係監製想向黎明致敬。（影片截圖）
劇集監製林肯接受《香港01》訪問時表示劇中「姓黎嘅哲學家」的確係黎明，並謂：「佢嘅金句聽落似亂蹹，但細嚼下極有智慧，而且有一套思維模式，四兩撥千斤，唔似矯情心靈雞湯咁一味正能量，係經歷過塵世間苦澀而蒸餾出來的純露。古有孔孟、柏拉圖，現代有黎明，帶畀後生仔茫然人生中少少慰藉。」另外林正峰及JoJo劇中還曾提及「坎坷過後唔一定有艇搭」、「唔識搭艇咪自己學游泳咯」等，似乎亦是由黎明金句衍生出來。不過問到劇集之後會否再有致敬位時，林肯就話：「金句講一次就夠，黎生哲學已散落四周，等觀眾發掘。」
連金句水杯都整埋，有心思。（影片截圖）
點擊下圖睇更多劇照：
+23