思家大戰|王祖藍自爆天文數字身家 鄺文珣李思捷竟是「舊相好」

撰文:黃欣華
出版:更新:

由李思捷主持及監製、瘋魔全球45年、直至現時為止仍有近三十個國家正值熱播的趣味民調遊戲節目《Family Feud》,正式授權製作香港版無綫遊戲節目《思家大戰》,並於本周日(14日)晚九點半翡翠台播出第十一集。

是集思捷好友兼拍檔王祖藍及阮兆祥齊齊帶隊撐場,祖藍率領的《藝人之家》有太太李亞男、關心妍、韓馬利及被指是思捷「舊相好」的鄺文珣,原來思捷與文珣相識超過三十載,二人更是當年馳名的「攝場王」,鄺文珣更有「多倫多周慧敏」之稱;而祥仔率領的《881》,隊員則有其合作多年的電台拍檔朱菁、馮天欣、樂樂及黎榮業。

鄺文珣曾有「小生殺手」的稱號!

為慶祝福祿壽下年邁向15周年,三人先合唱《升呢》熱身一輪後才進入遊戲Mode。難得福祿壽合體,製作組自然不放過「糟質」三人機會,所有題目均是「度身訂造」,最抵死兩條分別為:「邊個TVB藝人主持《思家大戰》會好過李思捷十倍」及「拍咗好耐拖嘅女朋友叫你結婚,但你唔想結,你會點答」。「換主持」問題由祖藍及祥仔作答,二人一聽到題目即笑得相當開心,「氣」得思捷大叫:「「你哋度埋啲咁嘅題目!我唔做喇!」之後在八個民調答案中,祖藍與祥仔均榜上有名,令思捷更感無癮。論到「逼婚題」,原本思捷佔盡上風計劃好好「炮製」祥仔,豈料祥仔卻腦筋急轉變反擊,將矛頭指向當晚有現身錄影廠捧場的李媽媽:「Auntie,你話點答好?你個仔都好似未結婚喎!」思捷再被技術性KO,場面搞笑。

思捷原本想向祥仔逼婚。
點知反遭祥仔向李媽媽告狀,場面搞笑。(前排右一為李媽媽)

原本並非頭號被玩對象的祖藍,則連環「自爆」觸礁。首先被問到是否習慣首席創意官身份,他首是回應:「我好習慣呀!禮拜六、日都真係唔返工架喎呢度。」之後思捷問道:「問咗100個人,你身家有幾位數?最多人答嘅係…」祖藍竟口快快說了一個超級天文數字出來,思捷聽畢也為之「定格」不懂反應,並提醒祖藍:「唔係問你呀,王祖藍!」遊戲期間,思捷提到愛妻李亞男表現強差人意時,祖藍又忽然放閃謂:「佢攞幾多分我唔知,我老婆本身係100分嘅!」隨即冧得李亞男暈陀陀。李亞男全晚表現亦相當搶焦,皆因她全程玩得相當投入,表情多多之餘,一答中題目又會即與老公Give me five,足見二人感情甚佳。

祖藍唔知係咪理解錯咗題目,無啦啦講出一個天文數字嘅身家。