【主人我返嚟喇．有片】MissHunny養兔每日陪玩1粒鐘：佢淨係蝦我
撰文：何志衡
出版：更新：
Miss Hunny養了嗡嗡1年有多，每天會為牠梳毛，及至少陪玩1個鐘。（符祥定攝）
近日很多有關動物的新聞，人獸交、生剝兔毛整公仔等等都駭人聽聞，其實動物又好寵物又好都不應該被虐待。照顧寵物更加是我們一生的責任，我們都應該甘願做狗奴、貓奴。《主人我返嚟喇》是寵物每日最期待的說話，第１集有魔術師Miss Hunny同佢主人兔仔嗡嗡。
我們到Miss Hunny位於新界區的千呎住所探訪主人嗡嗡，全白色的嗡嗡很可愛，摸牠都不會避開，但牠卻很喜歡欺負Hunny，有幾次Hunny抱住牠做訪問之際，本來乖乖伏在她身上的嗡嗡，卻突然彈起逃跳落地，Hunny捉也捉不住，Hunny也無奈地說：「佢係咁㗎！其他人抱佢佢都好乖，淨係蝦我！」
Miss Hunny曾因要變魔術而養過白鴿，但發覺白鴿不適宜做寵物，於是養嗡嗡。（符祥定攝）
咁點解Miss Hunny養兔仔呢？「一個魔術師養兔仔係好合理。」Hunny講得又幾啱！她養嗡嗡１年多，Hunny每日都會花個多小時以上陪主人玩，不過因為兔仔喜歡乾淨，所以不會帶牠散步。
嗡嗡很聰明，第一天駕臨僕人Hunny屋企便懂得在墊上去廁所，稍為教導一下便懂得執波，神奇過Hunny玩魔術！而Hunny又真的會同嗡嗡拍擋表演：「佢（嗡嗡）真係會玩魔術（你會變走佢？）唔係呀！我會變佢出嚟！」她強調：「唔好以為魔術師會喺頂帽度抽住兔仔對耳攞出嚟，千祈唔好呀！兔仔耳仔好脆弱㗎！」無錯呀要錫住動物呀！
最近有報道指內地有兔仔被監生剝皮，皮毛被製成公仔運到香港出售，Hunny一聽到即好大反應：「好殘忍呀！我有睇番啲片，兔仔平時唔會叫，但聽到佢哋痛到叫，一定係好痛；奉勸大家有啲同理心，唔好將快樂建築喺任何動物身上啦！」Hunny講得啱，我們不能助長這些虐待動物的不法商人。
Hunny很愛錫主人嗡嗡，訪問當日她特別為嗡嗡預備了新歡兔公仔（當然不是用真兔毛製造），嗡嗡一見新歡竟然做出意想不到的有趣反應，睇片就知有幾好笑喇！
嗡嗡特別喜愛這隻毛公仔，Hunny稱它是嗡嗡老婆，睇片仲知係好恩愛添。（符祥定攝）
嗡嗡最擅長賣萌，Hunny經常替牠拍照放facebook益粉絲。（符祥定攝）
Hunny送「妾侍」給嗡嗡，但嗡嗡毫不領情還擰轉背，非常搞笑。（符祥定攝）
毛小孩需要得到關懷，所以每集《主人我返嚟喇》片尾都會介紹一些領養或守護動物的資訊，希望大家關注。