【有樓萬事足】換樓氹女友 鼎爺：有得買咪買囉
撰文：林通賢
出版：更新：
鼎爺接受車淑梅訪問，憶述一次想開門氹前妻施明，點知大力得滯，打爆門，嘩！真係天生神力。
71歲的李家鼎自從《阿爺廚房》後人氣急升，最近接受港台《舊日的足跡》車淑梅訪問，訪問中鼎爺話自己離婚是人生最失敗的一件事，有次和前妻施明吵架，她將自己關在房中，鼎爺想開門，誰知太大力竟然打穿了一個洞，施明亦因這件事從此不理睬他，之後更提出離婚。
自從《阿爺廚房》後鼎爺有好多商場騷又拍廣告，要再買樓真係唔奇。
訪問中鼎爺還自爆想買樓，想和現任女友住得舒服一點，71歲還想買樓，想置業的心態拍得住《有樓萬事足》兩位港女，不過鼎爺接受《香港01》電話訪問就解釋清楚，他說:「唔係買一間屋，係再買多間好啲嘅屋啫。」既然有心換間好啲嘅屋，鼎爺應該都會有心水？他對此則保持神秘，表示：「我而家答唔到你㗎喎，現時啲樓價咁鬼痴線，買唔買到都成問題啦。」後來再細問鼎爺對一間「好啲嘅屋」應有什麼條件，他才說：「咁都希望可以實用啲嘅，都想有一千幾百呎嘅。」鼎爺自言距離目標還相當之遙遠，不過他覺得自己日常生活經已好慳：「（到時）有得買（樓）咪買囉。」同時鼎爺都奉勸各位買樓還買樓，儲錢還儲錢，金錢上要有適當的分配，「如果為買樓，連家用都唔畀就唔好喇。」