唔使用還原靚靚拳？ 苟芸慧靠飲水變返靚：最緊要笑多啲
撰文：林通賢
出版：更新：
苟芸慧經常做姊妹，已經做了10次之多，不過伴娘就未超過3次，所以不擔心嫁不出。（林通賢攝）
自從幫雜誌拍了輯性感靚相後，苟芸慧再度成為女神，而且仲越來越靚，最近還當朋友的結婚姊妹，原來她已經做了10次，她說：「我做咗大約10次姊妹，我問過喇，唔好做多過3次伴娘就得，所以冇問題，（妳驚嫁唔出？）唔會，未諗喎，我仲有兩個姊妹未結婚，送埋佢兩個結婚呢，就到我喇，哈哈。」
苟姑娘曾經因甲狀腺問題令體重上升，但近年回復女神身形，她表示心境開朗最重要，飲食方面，她會下午6點後不食澱粉質，她說：「我6點後就唔食飯，唔食澱粉質，女仔就容易少少，就算真係好肚餓，我會食豆腐沙律，或者一啲蒸嘅嘢食，同埋飲水囉，我每日都飲2升嘅水，慢慢飲。就係咁㗎咋，但其實最緊要笑多啲，心情係好影響健康。」
苟芸慧原先計劃到北京進修演技，但因為身體不適應當地天氣，唯有將計劃延後。（林通賢攝）
李逸朗將會和阿Bob拍新戲，戲中二人將會飾演男妓，黃夏蕙就做客人，但未知和她有沒有床戲。（林通賢攝）