今晚播出嘅《東張西望》，搵嚟另一名網紅Elaine講述到底氹人入賭局到底有幾好賺。

據Elaine所講，曾經有市場推廣人員向佢表示只需要發帖就可以有萬元底薪，對方並會提供一啲對話截圖以用作帖文內容，呢啲對話內容大多係表示自己有份參與線上賭局，贏錢如呼吸一樣簡單等等。Elaine仲話好似Cammi同蘇淼淼呢啲followers過十萬嘅網紅，底薪至少有8萬以上，而當followers透過佢哋提供嘅連結入局後，一旦輸錢，網紅就會有佣紅（輸1萬元分2,500元)。如果真係如Elaine所講，錢又真係好易賺，不過佢最終都冇接job，原因係感覺似呃錢。Elaine仲話曾經聽過有人真係贏錢，但線上賭場就以多個理由堅拒兌現。

節目中，主持李旻芳曾致電蘇淼淼，想睇下佢有咩分享，不過蘇淼淼就話「冇特別嘅要講」。大律師陸偉雄表示線上賭場同實體賭場並冇分別，一班KOL咁做等同鼓勵了別人參與網上賭博，根據《賭博條例》的「推廣或便利收受賭注」，一經定罪，最高可處罰款500萬元及監禁7年。

▼多名KOL宣傳網上賭場▼