馬德鐘18歲仔有男神潛力 馬在驤200米自由式奪金真高手

撰文:黃梓恒
出版:更新:
馬德鐘兒子馬在驤被網民以為係謝霆峰。

馬德鐘出晒名高大威猛又靚仔,坊間都因為佢太完美所以稱佢為「馬神」。咁作為神之子的馬在驤(Xiang)當然不會失禮,盡得馬德鐘和名模媽咪張筱蘭的遺傳,長得高過爸爸(馬德鐘約高185cm)之外,更生得一副俊俏面孔。昨天他們一家三口一起進馬場觀賞愛驅出賽,兒子Xiang立刻把父母的風頭搶盡,成為傳媒焦點。其實Xiang已經不是第一次上報紙,上年他個人出席宣傳活動時已經有接受傳媒訪問,更加被評為星二代的男神級別,看來遲早都會進軍娛樂圈。

有外型又有運動細胞仲要讀國際學校,唔係男神係咩?

雖然兒子有心入行,不過馬神昨日接受傳媒訪問時,說希望兒仔先讀完書再想這方面的事。Xiang現在在香港的法國國際學校讀書,即將就會中學畢業,不過相信會繼續升上大學,所以要等他進入娛樂圈可能還有一段時間。

作為男神級別,當然得到父母的悉心培養。除了讀書外,Xiang在運動方便亦很有天份,在前年上海國際學校游泳錦標賽曾經7奪金牌,上年在學屆A Grade游泳比賽亦在200米自由式及200米個人四式取得一金一銀佳績。運動細胞咁強似足馬神,當年馬神未入行都曾經入選香港排球隊,代表香港備戰1990年北京亞運會。未知Xiang會唔會有機會步爸爸後塵入選香港游泳代表隊出戰奧運呢?其實游泳隊進娛樂圈的例子也不少,可能將來Xiang都是其中一份子。

游泳健將的Xiang,拿唔少獎牌。

男神曝光當然會引來網上回響,有網民就話Xiang好似謝霆峰。似唔似就由讀者自己判斷,不過謝霆峰話晒都係男神之一,用來比較證明網民都覺得Xiang係男神級別喇!

唔少網民誤以為Xiang係謝霆峰。
兩父子一樣咁高大有型。
父母都係娛樂圈中人,Xaing都接觸唔少藝人,為未來入圈做好準備。