【外國勢力】FOX拍懸疑港劇挑機 田蕊妮:《迷》都係類似性質

撰文:郭敏玲
出版:更新:
多名TVB藝人出席影視博覽宣傳即將開拍的劇集。(黃國立攝)

電視業競爭永無休止,雖說TVB一台獨大,但最近都要面對新一輪挑戰,說的就是來自美國的福斯傳媒集團(FOX),將會開拍華語劇集,強勢進軍華語市場,第一主打就是懸疑港劇《心冤》,已知陣容有金像影帝黃秋生、影后惠英紅猛人;另外FOX還與劉德華旗下製作公司合作拍攝充滿美劇色彩的《香港華爾街》,來頭真的不能看輕。

面對外國勢力,由此問過TVB當紅藝人,會否覺得受到威脅時,他們都是口徑一致,對公司充滿信心,不如了解他們的看法。

陳展鵬與胡定欣都表示對TVB的制作充滿信心。(黃國立攝)

陳展鵬得知FOX要進軍華語劇市場,兼有劉德華坐鎮做監製,他說:「華哥本身充滿咁多拍戲同制作經驗,知道佢有新劇集作品都會好期待。(會唔會想TVB廣納更多外來人才加入劇集制作?)有都當然好,不過作為TVB員工,眼見公司都好努力去改善制作,嘗試好多嘢。外國嘅制作固然完善,但就全世界嚟睇,TVB嘅制作模式都好獨一無二,都會有信心。」

田蕊妮認為《迷》是TVB近年難得一見的懸疑劇。(黃國立攝)

至於視后胡定欣就話電視業能夠百花齊放,有競爭才會有進步。問到FOX題材比往時港劇破格,她說:「TVB而家都試緊好多嘢㗎,如果懸疑,其實近排都拍好多,都好創新。(但制作上不會想更作有國際水準嗎?)咁當然越專業越好啦,但見到TVB都開始有更多高科技嘅後期做緊,作為演員聽到呢方面嘅質素提升,都會被吸引嘅。」

田蕊妮聽到FOX首部主打是葉念琛執導懸疑劇《心冤》,她就回應:「先唔討論邊個執導,但呢種劇種,其實剛播完的《迷》都係類似性質㗎,呢套劇種以往TVB都好少試。同埋未必係電視台之間嘅競爭㗎,而家世界發展都係跨媒體,話唔定大家共同嘅對手係facebook呢,好多嘢都講唔埋。」

田蕊妮剛在《迷》的演出,獲網民大讚演技是神級。(劇集截圖)