【認真做實事．有片】吳肇軒唔怕醜 變身做笑匠
撰文：鄺鈺瑩 許育民
出版：更新：
別讓他一臉正經欺騙了，以為只會做純情小生；唱得玩得又演得，吳肇軒。好得！（黃國立攝）
吳肇軒之前拍戲令中指受傷，所以這一日未能邊彈結他邊踢金剛腿，so sad！（資料圖片）
對影壇小鮮肉吳肇軒的印象，好多人都仲係《哪一天我們會飛》中的蘇博文，青靚白淨、少許害羞；又或是《十年》中的自焚者，處事清晰、堅持己見。不過，做完這一part「認真做實事」之後，才發現原來所謂小鮮肉本身勁玩得，同「害羞」兩個字完全扯唔埋。一mic到手，吳肇軒猶如「跳掣」一樣，自動升key、即興排舞、再自編開場白，所有鏡頭都一take過完成，連綵排都不需要，你話勁唔勁？唱完見現場反應好，更主動要求再take多次，效果依然爆笑，完全不理會配樂跳脫演繹，鍾意幾時唱就唱的態度，一個字：正！
為了「認真做實事」，記者特地提供了4首經典電影歌曲予吳肇軒選擇，包括：《少林足球》插曲《少林功夫醒》、《西遊記》插曲《Only You》、《百年好合》的《暗戀王》（即係「自從在峨嵋山上見到……」）以及《家有囍事》中，常歡（周星馳）同程大嫂（吳君如）合唱的閩南話版《相逢何必曾相識》。結果，吳肇軒就揀了最情深的《少林功夫醒》……
其實吳肇軒不止做戲好，更係唱得之人，曾於2011年成立「紅簿仔」樂隊做主音，雖然一度解散，其後就於2016年重組，成員包括結他手劉文華、鍵琴手陳浩維、低音結他手梁睿承同主音軒仔自己。唱得演得之外，軒仔更識彈結他，可惜拍攝當日他左手隻中指受傷，不能夠扮大師兄自彈自唱，唯有做「冷面笑匠」講讀白兼唱歌。
髮型：Sing Tam@Orient4