《有樓萬事足》編導岑應嫁消防英雄   冇樓都嫁得:一齊儲錢!

撰文:林通賢
出版:更新:
岑應老公蔡明曦,有份撲救淘大工業村迷你倉四級大火,上年10月到禮賓府接受《行政長官公共服務獎狀》,岑應當然有出席啦。

製作過《有樓萬事足》、《盛女愛作戰》和《沒有起跑線》等爭議性的節目編導岑應,原來已排期結婚了,老公更是淘大工業村迷你倉四級火災的救火英雄蔡明曦,上年10月更在禮賓府接受《行政長官公共服務獎狀》,岑應接受《香港01》訪問,大讚老公是男神,她說:「我哋拍咗4年拖啦,喺我拍完《盛女愛作戰》後,朋友party識,我當時仲係剩女,佢係前年朋友party度求婚,(佢有份參與迷你倉四級火警?)係呀,佢有份救場火,我哋就唔會擺酒喇,但會屋企人食餐飯囉。」
 

岑應老公在一個朋友派對上向她求婚。

聽到嫁給消防員,相信所有女仔都會羡慕,但岑應老公更誇張,因為消防英雄原來喜歡做家務,她說:「佢係我男神呀, 好英偉㗎,(8舊腹肌?)佢以前有8舊㗎,家陣就冇喇,6神合一喇,但我好欣賞佢,消防工作其實好辛苦,佢係一個黐家,住家好男人,會做家務嘅人…」絲打是不是很妒忌呢?
岑應除了製作的節目充滿話題性,其實本身亦是一個話題,難得她的消防員老公就好明白,岑應說:「佢有睇過我啲節目嘅,佢就覺得冇咩特別,(會唔會覺得妳港女?)佢no comment, 但我一定自知係正宗港女。」早前「有樓有高潮」成為本地金句,岑應就表示丈夫暫未有物業,但不介意和老公一齊儲錢,岑應笑說:「未有嗰種高潮,大家一齊努力儲緊錢買樓,生小朋友我就隨緣啦。」真係恭喜晒!

岑應求婚派對上,綠魔Karl亦有份出席。
岑應製作的節目充滿爭議性,但岑應就表示老公有睇,但沒有太多意見。