袁嘉敏自4月離開香港後，一直留在法國波爾多。不過日前佢就飛到羅馬，繼續一個人的精彩，她指自己對上一次去羅馬已經係5年前，當時由於同父母同行，由於兩老唔識英文，加上又係跟團，令佢全程都無辦法好好享受。

今次難得重遊羅馬，袁嘉敏所住嘅酒店Hotel Bernini Bristol係位於市中心嘅5星酒店，每晚房間費用約4千多元，果然好識享受。之不過，袁嘉敏表示由於單拖旅遊，所以就算搭的士時被濫收車資（6元歐羅被收20元）都唔敢出聲，其後她決定買day pass坐巴士。

由於獨自上路，所以拍片剪片一腳踢，不過袁嘉敏喺影片中嘅妝容就十分怪異。事關佢所用嘅遮瑕膏，似乎並不太適合其膚色，結果令其淚溝位置睇嚟十分滑稽，但袁嘉敏拍片時似乎並未有發現。