【都市閒情】宋芝齡竟是娘娘專收兵 玫瑰收到手軟：我啲兵唔錯㗎
撰文：林通賢
出版：更新：
宋芝齡表示自己唔駛學收兵，不過自己年青時就好多人追。
《都市閒情》講收兵令人意想不到，但更令人驚訝的是女主持之一的宋芝齡，原來曾經係娘娘，而且對兵仔亦有獨特睇法，她接受《香港01》訪問時說：「我冇收兵喎，啲兵自動自覺唔駛特別收㗎，哈哈，不過隨住我嘅年齡增長而流失啫，𠵱家冇兵啦，講真，收兵駛乜教㗎？勁嗰啲自己埋嚟啦，渣嗰啲先要學諗辦法收兵，仲要兵都要睇兵種，係咩quality，求求其其老弱殘兵實收到㗎！講真，我以前啲兵都唔錯㗎，幾多個就唔好數喇，記住我講以前呀，唔係𠵱家，兵就好散，好難計，如果單日嚟計，我諗女仔都有同感，十幾廿歲收嘅花特別多，當年兩三個月前已經有人約我食生日飯，生日蛋糕食唔哂㗎….嘩！真係冇誇張到，十零廿個，雪櫃都擺唔哂，99枝玫瑰真係多到唔記得啦，但𠵱家呢，就剩返啲best friend，仲要女仔，幾條友喺到食飯。」
宋芝齡現多主持節目，加上出外司儀工作，收入相當不俗。（Instagram圖片）
宋芝齡雖然今年38歲但都keep得非常好，自嘲現在無兵，但其實都有不少追求者。（Instagram圖片)
想不到宋芝齡私下這麼跳脫，比大王更好笑，對於兵種亦有見解，她說：「兵呢就唔好揀啲同自己level差好遠嘅，揀啲唔係自己level你咪盏辛苦，最後hurt到自己，最好揀啲同自己加加減減少少就最好，咁先長遠。高一兩班都可以，唔好成日諗王子、公子，永遠以為自己係公主，但妳未睇到大結局，頭幾年你實開心㗎，睇下收尾嗰幾年，我唔係咒人，我講嘅係level，生活水平，我見咁多，差唔多或者好過你本身少少就已經好好，如果妳同個兵仔距離太遠呢，妳自己又辛苦，又唔失敗得，好慘㗎，收收下可能俾人玩返轉頭，我見好多朋友都係咁，收兵要有進階篇，當妳升到少少level，妳就先慢慢加上去，咁就可以，但一嚟就王子、公子就好難囉。（妳的朋友是否自己？）我梗係冇試過啦。」想不到宋芝齡原來是軍事專家，《都是閒情》應該要開一集給她講兵種同如何徵兵啦。
全盛時期的宋芝齡的確有一定實力，有人送花、送蛋糕，絕對唔奇。（Instagram圖片）