獎門人｜曾志偉確診缺席錄影 錢嘉樂領軍主持大局：佢遙控住我哋
撰文：吳子生
出版：更新：
昨日（23/8）有消息指無綫總經理曾志偉不幸確診新冠肺炎，需要在家中自我隔離休息。原定安排今晚錄影的《開心無敵獎門人》節目，故「獎門人」曾志偉將會缺席，由另一獎老錢嘉樂領軍主持大局。
錢嘉樂今晚主持大局。（梁碧玲攝）
錢嘉樂就上述事件接受《香港01》訪問時表示：「志偉哥係確診咗，不過佢都好緊張今晚呢個騷，佢知自己嚟唔到，於是變陣點名搵咗蘭茜返嚟撐場。其實呢個騷準備咗好耐，咁所以喺臨開騷前志偉哥都有同我哋通過電話，問我哋準備好未。雖然佢嚟唔到，但佢都係遙控住我哋嘅。咁所以佢都好放心。（聽佢把聲狀況如何？）聽佢把聲都冇乜嘢，佢都仲係咁精靈。」
嘉賓主持大合照。（梁碧玲攝）