【心理追兇.慎入劇透】王君馨黃嘉樂下場慘 終極大佬終於現身

撰文:黃梓恒
出版:更新:
今個星期日就大結局,唔知大奸角王君馨又有咩結局呢?(網上圖片)

劇集《心理追兇》今個星期已經去到結局篇,劇集自米雪出場後便帶起了劇中最後一個單元故事。雖然新故事已經開始,但上個故事還未結束,好多人都想知王君馨飾演的海澄有甚麼結果。事緣海澄知道當年的受害者阿Cat會去外國治療之後便十分擔心,仲講埋俾黃嘉樂飾演的方家朗知。之後阿Cat就因為心藏衰竭而死亡,不過據知其實係家朗做咗手腳整死咗佢,海澄又成功借刀殺人。

嘉樂又俾自己老婆利用,真係慘!(網上圖片)

雖然又給海澄陰謀成功,不過看來她的好日子也不多了,今日的劇情將會講到佢小產,身為佢老公的家朗傷心欲絕,仲會在今個星期死埋。而事隔了五年的「校園更衣室兇殺案」亦將會在今個星期三水落石出,韋家雄同王君馨究竟會有咩結局?馬明又能唔能夠成功翻案證明佢女友推斷係無錯呢?好快就會知道。不過唔好以為咁就會完結,原來呢套劇最後大佬係曹永廉,佢之後嘅出現仲會整死好多人。即是王君馨、米雪和曹永廉三條故事線都會將會這個星期來一個解決,時間情節都十分緊湊,真係唔可以錯過。

君馨將會小產,都好,唔好累人累物嘛。(網上圖片)