林海峰幫Samsung宣傳S8 倒米唱埋歌話手機拉遠人際關係

撰文:黃梓恒
出版:更新:
Samsung找阿Jan以「是但噏」形式宣傳手機。(區慶威攝)

林海峰(Jan)自從開了「是但噏」系列之後,間中都會再開吓騷,或者在商台頒獎禮上表演一下,除了gag之外一連串自創歌也是他的拿手好戲,先不論效果好唔好,起碼都有一個標誌性的形象。今日又有他的表演時間,就是Samsung的發佈會。今次Samsung找來阿Jan上台做「是但噏」宣傳新機Samsung Galaxy S8及S8+,不過宣傳效果好唔好就真的是見人見智了。

「是但噏」系列帶令林海峰人氣急升。(網上圖片)

阿Jan一上台就講述現今手機令到人的關係愈來愈不「現實化」,每個人都只顧低頭看自己的手機。他打趣地說:「我平時望個女都只係望到佢天靈蓋,因為佢剩日低頭玩手機。我而家去接佢放學,望樣係認唔到個囡,一定要望返個天靈蓋先知佢係阿囡。」雖然個gag真係幾爛,不過他明顯是諷刺手機帶來的負面影響,問題係,他在幫Samsung手機做宣傳喎,這樣說會唔會唔太好呢?

台下觀眾無乜反應,唔通係因為阿Jan講嘢唔啱聽?(網上圖片)

當然,阿Jan一定唔少得自己創作歌曲的環節,當然就是歌頌Samsung喇。不過歌詞實在有點堆砌,聽到不少人都起雞皮,很多台下觀眾都無乜反應,甚至學阿Jan的說法一樣,在低頭玩手機。想知到底佢唱乜?下面有片。