謝霆鋒過億鉅製chok出國際 FOX睇中《鋒味》硬撼Gordon Ramsay?

撰文:郭敏玲
出版:更新:
與fox合作,霆鋒急不及待在facebook分享。(facebook圖片)

Chok出天際的新一代名廚謝霆鋒,他所製作的飲食節目《十二道鋒味》,勿論菜式好唔好食,霆鋒的廚藝已經令觀眾眼界大開。原來不止這樣,《十二道鋒味》聲名大噪,遠在美國的福斯廣播公司(Fox)都默默關注霆鋒。到最後終於忍不住找他合作,拍攝英語版《鋒味》,帶住霆鋒衝出國際。這個舉動,簡直與地獄名廚Gordon Ramsay睇齊,所以唔好再話霆鋒學佢啦!

霆鋒拍攝節目,一臉認真。(facebook圖片)

有報道講到,《鋒味》將會成為Fox 2017年的重頭節目之一,並將會在霍士頻道及國家地理頻道播放。除此之外,為了迎合網上的巨大市場,《鋒味》亦會拍攝網上綜藝版,據知將會是鉅製,用近一億去製作。點解咁鬼貴?因為節目中,霆鋒將會到世界各地進行拍攝,加上霆鋒在節目會接受不同的挑戰,會否搵命搏就未知,但其中一站將會是以色列。聽到以色列這個名字,都心驚膽跳!不過霆鋒咁大膽,佢就覺得冇乜嘢,因為他之前拍過電影《逆戰》,都去過局勢頗亂的約旦拍戲。

+4

霆鋒今次衝出國際,大家完全不需要為他的英文而擔心。事實上,小時在加拿大居住的他,識英文是常識吧!霆鋒說起英文,既流利又充滿美國口音,成陣男人味出晒嚟,跟大眾以為他曾是「旺角系始祖」的形象大相逕庭。唔信?大家可以回顧他成為CEO之後在大學講座用英語分享的片段,看完之後,大家對《鋒味》英語版的興趣將會激增。

Gordon Ramsay的《Hell's Kitchen》都同樣在Fox播放,會否與《鋒味》硬撼?(網上圖片)