林嘉華過檔港視後重返TVB拍劇：關係好好無芥蒂

久未露面的林嘉華，自從拍完TVB的《飛虎》之後便過檔香港電視，諗住可以迎來新發展。但好景不常，港視只是玩了短短兩年便因拿不到電視牌照而停產，佢拍完最後一套《開腦儆探》之後便工開，約滿離開後便只客串過TVB的網路劇《無間道》。不過喜歡他的粉絲們好快又可以見到他的身影，事關《香港01》記者已經問過嘉華，他已經確定了將會重返無綫夥拍薛家燕、黎諾懿、湯洛雯等人參演的《燦爛的外母》，而且擔正男二！相信明年大家就會看到他的演出。

雖然曾經過檔港視，不過嘉華在訪問中說他和TVB的關係從來都很好，絕對不會有芥蒂。至於被問到為甚麼會重返TVB拍劇，他就笑言：「你地咁快就收到風？係呀，其實只要收到一個好劇本就會拍。我都入咗娛樂圈成40年，同各方面嘅關係一直都好好。拍完港視之後，我都keep住拍咗啲電影、舞台劇同埋兩套網路劇《反黑》和《無間道》，成日都要加拿大香港兩邊走，所以都幾忙㗎！」

除了林嘉華，其實都有不少過檔港視的演員重返TVB，當中包括即將上映的新劇《不懂撒嬌的女人》，就有男主角林文龍。另外還有老戲骨郭峰、夏雨，資深動作演員冼灝英。看得出今年無綫都十分落力組班，希望對收視會有所幫助。