【ViuTV詭探】邵仲衡酒店取景夠驚嚇 蔣祖曼誤拍靈異照發惡夢
撰文：鄺鈺瑩
出版：更新：
尹揚明差不多有近17年沒有拍劇，笑言要向楊偲泳、邵仲衡等人學習。
駱振偉（右一）與邵仲衡劇中最多對手戲，但「孝哥」卻偏偏不記得自己個名，令他感到不是味兒。
演員邵仲衡、尹揚明、蔣祖曼、駱振偉、陳子豐及楊偲泳等人正為ViuTV自家重頭劇《詭探》趕工，日前在尖沙咀一間酒店內取景，楊偲泳自爆因為聲浪過大被住客投訴：「本來我做警察要爆門好型好大聲，依家變做細細聲咁講對白，都唔知點算！點知拍拍吓突然停電，我以為又嘈到人被斷水斷電，原來有個同事太好手尾，出房拎走張房卡，嚇左大家一跳！」。見慣大場面的「孝哥」邵仲衡無懼投訴，笑言於酒店取景拍懸疑劇是開創先河：「我哋咁多道具，又要燒溪錢、拜神，人哋咁都肯借場地，真係要感恩」。
而同劇的女星蔣祖曼早前疑似攝下靈異照片，更屢次發惡夢：「我發夢自己在上次九龍塘拍攝個場地開工，點知突然鬼上身，大家又冇理我。張疑似靈異相就係嗰度影，雖然我都相信只係反光，但最古怪係陳子豐幫我連還快拍幾張，淨係得呢張出現，而事後子豐仲話壞左電話，都唔知係咪借我過橋買新機！」尹揚明雖然說是他們胡思亂想、自己嚇自己，但亦都認為九龍塘的拍攝場地有點古怪：「我自己信鬼神，不過冇害人就唔會驚。」
蔣祖曼就係話呢張相的窗戶有倒影，大家可以自行研究。