甄詠珊洗底成功入屋零難度：已經完全脫離咗freeze呢個名
撰文：郭敏玲
出版：更新：
甄詠珊自簽約無綫之後，一劇接一劇。除了接了50周年台慶劇《誇世代》之後，近期還有《燦爛的外母》，今次就做奸角，對家燕姐間廠虎視耽耽，還會和對方有角力。甄詠珊今日出席造型記者會，以一身粉紅色入膊連身裙示人，腰間隱約露出小蠻腰，她透露為了新劇，百忙之中抽空減肥，「我想減十磅，但過去實在太忙，所以都減咗五磅，要再繼續努力。」
甄詠珊今日以一身戰鬥格造型示人，原來她會做有機心的女仔。(符祥定攝)
甄詠珊相信她已脫離了freeze這個名字很久。(符祥定攝)
甄詠珊減肥的原因，都希望可以在新劇show下身材：「劇入面我都會跳舞，暫時唔知會唔會好性感，但係我劇入面的打扮都好似你而家見到咁，好花枝招展。我就唔介意有性感場面，我都希望到時fit啲，有啲身材咁。」問到曾經是整容組合freeze成員的甄詠珊，如今要進軍電視，怕不怕網民再回帶她以往曾出位的表演，令到自己難入到屋？她就沒有這個顧慮：「我覺得自己已經完全脫離咗freeze呢個名，我自己冇刻意做過乜去洗底，但而家（freeze）各自有唔同發展，都好少令人聯想起組合，不過我都好想大家都會鐘意睇我做戲。」