陳潔玲5年拍足35部劇 終遺憾離巢搵新機會：公司人太多
近期有不少舊將回歸TVB，有人來亦有人走，其中一個例子便是2012年進入TVB的藝員陳潔玲(Christy)。Christy是經過參選2012年度香港小姐而入行，雖然落選，不過亦因此進入了第26期無綫電視藝員訓練班。入行至今拍過35部劇集，可惜很多都是閒角或者客串，只有6部劇是擔當女配角。反而更令人熟悉的是她主持的J2節目《情迷越南》，亦因此令她踏上了主持之路，直到離開TVB前她仍在主持青年資訊節目《Y Angle》。
Christy真係好多靚相，你睇吓下面。
《香港01》記者找來Christy了解一下為甚麼會選擇離開，她表示離開是因為想出去闖一闖：「其實在tvb呢幾年學到好多野，無論做人處事和演戲，只是覺得世界很大，想試多啲體驗多啲出面啲嘢，所以做咗離開呢個決定。」雖然離開了TVB，不過Christy都依然會在幕前發展，她還透露在年頭拍了港產片《私人會所》，而且還是主演，應該會在暑假跟大家見面。現在是自由身的她也會在網上各平台出現，例如在微辣都拍過一些短片，反應都唔錯！
唔夠喉？仲有好多Christy嘅靚相。
五年拍了35部劇，不過多數都只是不起眼的角色，Christy其實都明白到在TVB未必可以捱出頭，她說：「會有少少遺憾，自己好喜歡演戲，都想喺演戲呢方面有多啲嘗試，演多啲唔同嘅角色。無辦法喇，公司太多，人多太，相比其他人我都已經有好多機會，不過作為演員緊係想愈多愈好喇。」正所謂天下無不散之筵席，TVB來來去去的人實太在多，Christy也看到很開，她最不捨得就是一班同事：「其實我好多娛樂圈朋友都係喺TVB識，尤其是訓練班的朋友，不過要見都成日有得見嘅，況且而家平台咁多，我相信將來都會有不少工作機會可以碰面。」除了同事，原來Christy還對TVB canteen的燒味飯十分留戀，聽佢講係因為又平又好味喎！