【蘭花劫】陳自瑤舊劇擺足10年出土 少女變人妻：嗰陣未識王浩信
撰文：林通賢
出版：更新：
《蘭花劫》有幾舊?耐到陳自瑤未識老公王浩信囉....
正所謂人生有幾多個10年，想不到一套10年超級倉底劇《蘭花劫》會在今天破土而出，認真無奇不有，劇中當時是新人的陳自瑤今天出席記者會，她亦覺得劇集忽然出街絕對不可思議，她說:「真係冇諗過10年之後會出街呀，我知收費台播過嘅，但我嗰陣都冇睇，10年前我仲記得自己好新，我一定睇，睇返自己嗰陣嘅演技係點。同埋自己嗰樣。」
在記者會上陳自瑤和10年前的自己對比，塊面仲瘦咗。五官冇變，証明沒有整容。
陳自瑤10年前是新人，現在是王浩信太太，拍《蘭花劫》的時候還未遇到老公，她說：「10年前我未遇到佢，我今朝出門口，老公問我去邊？我話我去宣傳，佢問我宣傳咩嘢？我話劇集囉，佢話咩劇呀？妳拍咗劇我都唔知？我話《蘭花劫》呀！佢好驚訝，仲問我有份㗎咩？嗰陣我都未識佢!！我記得拍嗰陣都辛苦嘅，真係去到女子監獄取景，因為好多女仔一齊拍啦，大家有講有笑，其實都開心嘅。」
王浩信的減肥餐單，原來由陳自瑤親自下廚負責，王生好幸福呀....
最近老公人氣急升，當中王浩信完美Body，全靠烚菜、烚肉餐單，原來全部都係Yoyo負責，她說:「佢啲地獄餐單好多都係我煮俾佢，因為佢要食咁清啖嘅食物，咁要屋企整啦，咁即係我整啦，佢會同我講三餐要食咩?我就會諗下點將佢整得好食少少,等佢冇咁痛苦，可能煎少少，攞好少嘅鹽，等佢有少少味，唔想佢食得咁辛苦囉。」有陳自瑤這個太太親煮食物，就算地獄餐單無味，王浩信都覺得甜啦。