【派歌遇裁員】李幸倪為《空姐》打氣？ Ben Sir解畫兩空不同
撰文：許育民
出版：更新：
第一次合作已相當愉快，仲來個心心相印。
上星期Gin Lee有新歌派台，歌名是《空姐》，照字面解，自然會聯想到首歌是講空中小姐，相信會是首情歌，說某某愛上一個愛在空中飛翔的空中小姐。事實上原來《空姐》是新一代食字潮語，所指的其實是「空虛的小姐」，而為大家更透切理解這個新穎潮語，唱片公司更找來廣東話專家歐陽偉豪（Ben Sir），跟Gin Lee拍了條短片，同大家解構這個潮語。
Ben Sir先以魔鬼造型，大數空虛之慘況。
然後又以天使造型唱好空虛，真係曲都拗返直。
片中Ben Sir一人分飾兩角，既是魔鬼又是天使，以兩種態度講出作為一位空虛小姐，當中的好處和壞處，雖然有時會感到孤單寂寞，但一刻的自由自在又是羨煞旁人。搵得Ben Sir，當然唔會坐定定講，今次不用他拍掌，但至少也要佢扮鬼扮馬，片中他便戴上魔鬼頭飾和天使光環，一貫輕鬆幽默的形式跟大家探討「空姐」的真正意義。咁鬼馬抵死，就連「空姐」Gin Lee也笑言有Ben Sir冇空虛。Gin Lee說：「同Ben Sir拍片唔會空虛，仲好好玩好好笑！」Ben Sir更表示這是他進軍樂壇的第一步，咁幾時有第二步？第二步又係咪會拍住手唱歌呢？（全片可上UM Webzine facebook page收看）
其實Gin Lee一直都唔空虛，仲不知幾有正能量，早前便去紐約參加半馬。
Gin Lee讀書時已愛跑步，但專攻100米和200米短跑。這次經短短4個月訓練，從200米練到去21公里的距離，100倍的挑戰成功！