【ViuTV詭探】今晚9點半有得睇 九鐵小朋友鬧鬼廣告打頭陣

撰文:黃梓恒
出版:更新:

ViuTV重頭劇《詭探》今日9點半就同大家見面,這套劇主要是講述一個神秘部門「第七行動組」追查一些靈異案件。劇集搜羅了不少香港的都市傳說包括93年九鐵小朋友廣告、高街鬼屋、公屋傳說,同西貢結界。而第一個故事將會講一單工廈命案,但幾位死者就雙手搭住前一具屍身的膊頭,坐喺凳型成一直線。有無覺得呢個情況好熟口面呢?

都真係幾恐怖吓喎!(網上圖片)

無錯喇,93年九鐵廣告這個都市傳說相信不少香港市民都有聽過,甚至看過這個廣告。當年廣告一出,6名小朋友在森林玩火車遊戲,由於音樂和場景都幾陰森恐怖,雖然九鐵發出聲明話個廣告的意思是「九鐵服務會努力把大家對火車的美好印象由童年推展至永遠」。不過有市民就歸納了幾個疑點,包括其中有一位小朋友面無血色,而且片段中的小朋友在幾個鏡頭有不少次序混淆。所以之後衍生了不少傳聞,包括該廣告的製作人員和小孩全部都死了,又話有個小朋友嘴角流血,仲話其中有一個被鬼小孩搭膊頭死咗。當時真是滿天傳聞,但係九鐵公司都無即時出來澄清。

其實當年TVB節目《靈通天地線》主持吳剛已經北上搵過6位小朋友,證明他們依然相安無事。而九鐵亦都找了幾間傳媒公司一齊返去拍攝地點,還找回所有參與拍攝的小朋友,所有小朋友仍然健在,根本就無某小朋友死了的事。九鐵亦都指出片段中的小朋友時出現時消失係剪接問題,因為是選取最好的片段駁埋一齊。雖然這件都市傳聞已經被多方面澄清過不少次,不過網民們依然事津津樂道,間唔中就會拎返出來講多次。今次ViuTV又拎出嚟抽吓水,不過個故事就會全新包裝,對靈異事物有興趣的觀眾一定要留意。