54歲曹眾公開向曾志偉爭取拍劇機會　透露讀緊博士課程

現年54歲曹眾自從2007年離開TVB，近年甚少公開露面。她今日（27日）出席《文匯報》75周年慶祝活動接受傳媒訪問，借機公開爭取拍劇機會，她說：「陣間活動如果見到志偉哥（曾志偉）都想同佢講記得有我。」

講到近況，原來曹眾正在內地讀緊文科博士課程，上半年都忙於考試。「所讀的大學嘅排名都有120，要經歷過入學試，考核英文同埋各科水平。」她續指今年才正式升學，所以需要三至五年先畢業。

被問到若果日後有機會拍戲，如何兼顧學業方面？她表示：「其實我最想嘅另外一件事情，係帶動香港和內地旅遊業，例如係帶佢哋參觀香港嘅大學。」她坦言過去已經有不少朋友向他詢問香港升學的問題。