【妙手仁心】陽仔21歲喇 變咗身高180cm國泰機師
撰文：林通賢
出版：更新：
《妙手仁心3》包駿寅飾演陳豪兒子陽仔，戲份甚重，網民讚他演得好。（網上截圖）
《蘭花劫》高清都無人收看，反而夜晚重播《妙手仁心III》就勁多人睇，大家都好想重温後生的陳豪、林保怡等，不過配角亦非常搶戲，尤其飾演陽仔的包駿寅（Aiden Bradley），當時8歲的陽仔在劇中飾演陳豪個仔，在劇中經常向陳豪發脾氣，不少網友表示就算現在重看，都覺得陽仔做戲自然，不過陽仔自《妙》劇後，就少了幕前現出，但原來有更好發展，事隔12年的今天，陽仔已經21歲，還是國泰飛機師。認真叻仔呀！
21歲陽仔（最右）現在是國泰機師，身高180cm，認真高大威猛。（網上圖片）
最近成為機師的陽仔，原來都有和媽媽一齊翻睇這套作品，《香港01》透過facebook訪問到陽仔，他說：「我同媽咪都有一齊睇返，好懷念當時拍劇的日子，劇組所有人都好幫我、好錫我，我都盡量同佢哋保持聯絡，陳豪就好忙喇，而家我仲經常同廖碧兒聯絡，但陳豪好錫我，對我好好，我最記得有場戲，講我敏感症病發，陳豪抱住我入醫院，呢場係我拍《妙》劇第一場戲，所以好難忘。」
Aiden飾演陽仔時只得８歲，陳豪亦在無綫開始上位，當時34歲。
拍《妙》劇時的包駿寅Aiden只得8歲，劇中的他細細粒，但他十分好動，運動成績亦突出，最愛係欖球，更曾是14歲至20歲香港欖球代表，他說：「我為U14-U20香港隊打波，但我開始飛行員工作，我就停咗喇！（點解唔做演員？）我係eurasian kids，香港發展可能機會比較少，所以冇繼續喇，做飛機師係我由細到大嘅夢想，工作繁重、訓練過程亦充滿挑戰性，但係工作好有滿足感，我去過好多地方，我亦為呢份係最好嘅職業，國泰對我哋好好㗎！」
包駿寅成為飛機師，應該係女仔心目中嘅筍盤，但他表示鍾意同兄弟一齊。（Facebook圖片）
哪個女孩不想自己男朋友是飛機師？不過包駿寅就話最愛同朋友一齊，他說：「我係單身嘅，（機會來了，絲打）關於女仔嘅事我唔擔心，我而家好享受工作，有時間我亦好鍾意同朋友旅行，所以我冇點諗拍拖嘅嘢。」通常有條件的男仔，又點會擔心冇靚女呢？
+3