李子雄日游1000米練耐力 57歲擁40吋胸肌兼馬甲線好有型
撰文：林迅景
出版：更新：
李子雄57歲，不過仍然fit爆，舉起啞鈴，絕不手軟。
減肥好簡單啫，食得清、做下運動就自然瘦，大家都知。不過想操肌，就更加高難度。
不過57歲李子雄就做到了，這位近年專注拍電影及內地劇的前輩，為了在新劇演好教官的角色，不惜自己進行地獄式訓練。近日更在微博貼了數張爆肌照片，又游水又做ＧＹＭ，仲勤力過後生仔。微博上貼相之餘，更加留言鼓勵自己：「管不住嘴邊不開腿，怎麼敢在夏天肆意得瑟呢！肌肉、肥肉，自己决定吧。」其實如果見到李子雄嗰40吋胸肌同埋嗰排6舊朱古力，再望望自己的肚腩，大家真係會自愧不如！
除了健身鍛鍊肌肉外，游水都是李子雄其中一個嗜好，他還說：「游泳的好處：全身的運動，增強身體的免疫力，不容易感冒，還可以減肥！只要每天游上1000米，就可達到減去腰間贅肉的效果，騙你是小狗」57歲都可以操到史泰龍咁，真係有志者事景成的最佳榜樣。
57歲李子雄仲依然fit過好多人。
不要因為香港電視電影上不見李子雄的蹤影就以為他淡出幕前，其實李子雄至近來在中國大陸一直都有工作。2014年TVB劇《忠奸人》及2016年《波士早晨》之後就積極轉向內地發展。電影更是一套接一套，《寒戰II》之後就是一連串的工作，包括近期開拍的大陸電影《功夫舞娘》。關於李子雄的角色，劇組只表示李子雄在戲中是一個神秘角色，而該電影是一部融合武術同街舞元素嘅動作電影。子雄哥真係寶刀未老呀！
側面睇仲勁仲手瓜起展添。