【今晚打喪屍】特濃本土味爆發 家居武器裝備 西環街頭巷戰
撰文：許育民
出版：更新：
鐵定6月29日上畫的本土喪屍電影《今晚打喪屍》，今日推出終極預告，片中可見，大家期待以久的殺屍武器，之前只有草圖亮相，今日終於見到真身，造型相當親切。
而且片中還有一段過百喪屍，在西環山道圍攻幾位主角的場面，來勢洶洶，好有新樓盤外，瘋狂經紀喪追買家的況味，真係愈睇就愈想睇。
幾位主角，一人一種武器，均取材自日常生活用品，家居旅行必備。
戲中王敏奕要長期穿上婚紗，她坦言令喪跑時受阻，動作緩慢。
可能是今年最令網民期待的本土電影《今晚打喪屍》，一直以來每有新預告必引起關注。高度關注因為喪屍片就睇得多，本土製作的可能已數到《生化壽屍》，所以大家非常期待。來到終極版，片中就出現大量本土元素，例如西環山道的過百喪屍圍攻大場面、雞蛋仔夾改裝武器等等，望見這些場面和物品，身為香港人定必親切感倍增。
戲中白只與萬子演一對父子，關係一直麻麻。
以為小本製作，大場面用CG撐場，但原來粒粒都係真人，多得一班喪屍義工。
以為《Walking Dead》先見到的場面，在港片都見到，是有種感動的。
喪屍義軍撐場
《今晚打喪屍》故事講述香港突然爆發喪屍病毒，喪屍圍城下，張繼聰及白只兩名廢青，竟然是帶領眾人殺出重圍的關鍵，如果你對號入座，自然會感受到當中的寓意。
預告片中見各演員都落力喪跑喪打，而片中其中一幕大場面，就是於西環山道拍攝過百喪屍圍城，該場戲，劇組在網上號召熱愛演戲者加盟，扮演喪屍大軍，結果反應熱烈，過百網民踴躍支持，就連導演盧煒麟都表示驚訝：「原來香港有咁多人想扮喪屍！」亦由於人數眾多，該場戲入夜才拍，但單是化妝就要由中午12點開始，非常誇張。
年近60，又患有糖尿病的萬子哥，戲中都動作連場，好賣力。
戲中各樣武器都大有來頭，都是自家手作仔產品。
武器有來頭
取景本土，武器製作上都要本土，而本片的前身網絡短片《喪屍血滴子》，就是以一個髮廊焗油罩改裝成血滴子聞名，那種就地取材的意念，有着電子遊戲《Dead Rising》況味，可見武器正是該片重點之一。