非份之罪｜男拍檔再添朱敏瀚一員　游嘉欣獲封「小生收割機」

游嘉欣和朱敏瀚今日於電視城出席無綫劇《非份之罪》開鏡拜神，2人在單元「無臉女屍」裏面有感情線，不過朱敏瀚笑指劇中與游嘉欣只是純純的愛，雖然都有親熱戲，但沒有對方與周嘉洛在《羅密歐與祝英台》裏面咀得那麼激烈，反而有場戲他們被人打得很厲害，足足拍了一日，游嘉欣手臂都被打到全瘀青。

而繼吳偉豪、周嘉洛後，游嘉欣今次又與朱敏瀚演情侶，被網民稱她為「小生收割機」，游嘉欣笑言：「係囉，我好似享了齊人之福，點解監製對我咁好嘅？」朱敏瀚隨即問對方：「咁邊個最好呀？」游嘉欣也非常醒目：「我依家同你拍檔，就梗係你啦！」

另，游嘉欣劇中還飾演吳啟華女兒，有機會與這位大前輩合作，她都大開眼界：「本身都知佢好戲，但冇諗過同場對戲望住佢，好似望緊部電視一樣，梗係有心心眼，感覺好奇妙，就好似一個喺電視機睇住嘅人，依家跳咗出嚟。壓力都有少許嘅，但同佢開完廠之後，就覺得佢係一個好好嘅前輩，好錫住新人，又會畀好多意見。」