謝婷婷笑四哥chok住拍《賭城群英會》 父親節準備送衫當禮物
撰文：溫菁莉
出版：更新：
謝婷婷一身Deep V 晚裝出席開幕禮。（溫菁莉攝）
謝婷婷下午以剪綵嘉賓身分出席Fred珠寶店開幕禮，提到下星期就到父親節，同爸爸謝賢關係非常好嘅婷婷透露爸爸當日唔係香港，之後會同對方補祝，咁到時會送咩禮物比爸爸呢？謝婷婷笑言爸爸鍾意收3樣禮物，「一係錢，二係樓，三係衫。樓同錢我又送唔起，留返俾哥哥送。我唯有買衫俾佢。」
婷婷話父親節會送衫俾爸爸謝賢。（溫菁莉攝）
講到四哥主演的劇集《賭城群英會》就快播映，謝婷婷就話當時都有去探班，但期間忍唔住爆笑，「因為佢一action就開始chok，我就開始笑，當時避免影響佢，我匿埋係後面睇。」婷婷話小時候有睇過爸爸做嘅《千王之王》，但有一幕四哥斷咗隻手，佢即刻喊住打俾對方，「爸爸一聽到我電話問我做咩，我話你係咪斷咗隻手，佢話我鋤緊dee呀。」婷婷笑言一知道爸爸玩鋤dee，證明無斷手，立即放下心頭大石。現時忙於拍攝電影嘅婷婷，她透露仲有一個月就煞科，之後會到L.A上演藝課程，睇黎到時係Instagram又可以睇到婷婷與男友Jeremy Renner嘅放閃相。