【須藤凜凜花】總選舉公佈結婚心碎滿地 直擊粉絲由一變零

撰文:劉健華
出版:更新:

AKB48忠粉每年的大日子,當然就是決定人氣排名的總選舉,今年雖然冇得入場支持偶像,但熱情豈會這麼容易退卻,NMB48的須藤凜凜花今年的排名爆升,亦係全靠一班粉絲chok出無限金錢買碟投票支持,但偶像……在台上……宣佈拍拖……更說將會結婚……。

須藤凛凜花的粉絲為了令偶像成功當選,在Twitter成立指揮部,又在關東和關西成立速報會場,關注投票情況。(網上圖片)

話說須藤有粉絲於3月已在Twitter開了個戶口叫「須藤凜凜花總選舉對策室2017」,在關東和關西成立速報會場,十足特首選舉般做好準備,吸引了千多個followers,亦可見他們的熱情,貼滿海報、橫額支持偶像,出錢出力又出車,為了通宵作戰連飯都冇啖好食……六個鐘、五個鐘、四個鐘……終於等到總選舉開始!好開心呀!須藤凜凜花由44位升到20位!咦?佢講乜呀?結婚?唔係呀嘛……之後這Twitter便沒有再更新……而你終於明白點解秋元康唔俾AKB48拍拖。

關西會場實況,加油啊。(網上圖片)
出錢又出力,仲要出車,因為要買大量唱片嘛。(網上圖片)
開工拆碟投票要通頂,飯都冇啖好食。(網上圖片)
距離投票截止,仲有六個鐘!(網上圖片)
五個鐘!(網上圖片)
四個!(網上圖片)
三個!(網上圖片)
兩個!(網上圖片)
仲有一個鐘截止喇!(網上圖片)
到咗選舉開票時間!須藤入場喇!但這已是選舉對策室最後一個feed……so sad。
據知須藤凜凜花因知道將被《週刊文春》爆她拍拖的新聞,所以她率先自爆,更據知她男友從事醫療相關行業,在五月時被拍到單獨約會。