1年有365日，最開心的日子就必定是新年。為了好意頭，大家都會說好話、做好事，不論派利市、收利市都會四萬咁口，真係夠晒開心。如果想再開心啲，都仲有辦法㗎！就係睇麥美恩挑戰一分鐘之內寫十張揮春！Mayanne一直形象爽朗、率直，她的笑聲非常有感染力，只要有她的存在，就會有歡樂。想開心呀？睇麥美恩啦！事不宜遲，立即去片！

在外國長大的麥美恩，最初聽到要寫毛筆字，都話未試過！到真正挑戰時，本來是左撇子的Mayanne，都話理唔到咁多，係咁寫、不停寫。雖然1分鐘入面，Mayanne只寫到5張，字體都好藝術，但見Mayanne笑得咁開心、又寫得咁落力，算你啦！

邊止挑戰快寫揮春咁簡單？Mayanne事後得戚講到：「雖然我係『竹昇妹』，但係我對新年嘅習俗都好清楚嘅！」既然係咁，就更加要考考Mayanne了，記者準備10條關於新年的問題，有習俗，有時事，仲有常識！再去片～

Mayanne真的不是得個講字，幾乎都答中晒，估佢唔到！好事唔好停，開心果Mayanne希望新一年繼續帶歡樂給大家：「接著落嚟想嘗試更多新嘅嘢，（會唔會繼續做是非精？）是非精平時都係㗎啦，都知道呢個身分都算深入民心，希望睇呢個節目嘅小朋友，會一直成長，同畀我教壞！哈哈！」小朋友見到Mayanne點會學壞，學識開心先真呀。

不過，屬兔的Mayanne正值犯太歲，流年的工作運及桃花運都會有變化。呢個時候，開心果就可以發揮最大作用，Mayanne表示未驚過：「我嘅歡樂會將所有嘅不幸打走晒！」還希望新一年：「桃花是必需的，要結識啲男性。」有桃花的前提，日常嘻嘻哈哈的Mayanne話：「我要將我嘅音量收細，咁先唔會嚇走人，呢一個係我嘅新目標。」如果你細聲咗，觀眾會好唔慣㗎，大癲大肺先係你呀！Mayanne！