【上集】感激愛犬連繫婚姻 金毛會版主憶亡犬哽咽：是你令我長大
相信不少寵主必定有幻想過自己一次外出溜狗時，會偶遇自己的Mr./Ms. Right，找到一生最愛，如果現在告訴你香港裡真有其事，你又信不信？Facebook群組香港金毛會（HKGRC）版主Jeff日前接受《香港01》訪問時表示，若非昔日狗狗的出現，他也未能真正長大，亦可能遇不到現時的妻子，就讓我們一起看看他們的「寵物情緣」吧！
因沉迷港劇《寵物情緣》 決定養金毛犬
2000年時，Jeff於美國三藩市完成大學學位後繼續留在當地工作，由於當時美國非常流行一齣由古天樂及鄭秀文主演的港劇《寵物情緣》，再加上劇集內容主要圍繞金毛尋回犬，因此萌生飼養金毛犬的想法，「諗起當時我真係幾大膽，基本上咩都無準備過，就帶咗當時嘅狗狗Don Don返屋企養。」回憶昔日遇上Don Don的畫面，Jeff的回憶依然歷歷在目，「當時我去咗一間狗場睇下有無金毛仔可以帶返屋企，點知狗場咁啱有一隻兩個月大嘅金毛，我一見到佢就叫咗聲『Don Don』，佢就咁飛撲去我身上，我見佢咁鍾意我，所以當時我就帶咗佢返屋企！」如是者Jeff於03年決定回流發展事業，亦將Don Don一拼帶回香港，開展新生。
為狗狗尋玩伴 邂逅一生中最愛
回到香港後，Jeff有感DonDon在香港沒甚麼朋友，開始為狗狗尋找玩伴，轉折之下加入了當時的金毛尋回犬群組，「當時仲係流行MSN嘅年代，咁我就出席群組搞嘅活動，DonDon都因為咁識到好多狗朋友，仲會同其他狗狗攬頭攬頸，好鬼搞笑！」Jeff笑道。
狗狗認識了新狗友，Jeff在感情方面亦有「斬獲」，在一次狗狗聚會中，這位年輕男孩就認識了現時的妻子Cass，「我都幾肯定如果唔係要幫DonDon搵朋友仔，我同我老婆都唔會遇到，可以行埋一齊。」Jeff感性說道。現實版「寵物情緣」完美上映，兩口子由拍拖到結婚，生活圍繞的事都是充滿金毛犬的元素，兩人平時的活動就是和DonDon和大嚿（Cass的金毛犬）四處外出，到沙灘游水，非常甜蜜。
憶起與DonDon之間回憶不禁哽咽
幸福的時間總是不長，DonDon於2014年不幸因脾臓病症離世，面對愛犬離世，Jeff憶述自己當時情緒可謂完全崩潰，「我係一個感性嘅人，DonDon呢隻狗影響咗我好多，唔單只喺美國陪伴我工作，亦都教識我點去做一個負責任嘅人，無佢我諗自己都未識去長大，識得去照顧身邊嘅人。」問及Jeff有否一些說話希望跟身處彩虹橋的DonDon說，他立即哽咽說道：「DonDon多謝你，我只希望你喺彩虹橋可以生活得開開心心，將來我哋一定會再見。」