毛孩子日前報道香港金毛會（HKGRC）版主Jeff成功憑著昔日愛犬DonDon抱得美人歸！今集就不再大放「閃光彈」轉轉話題討論「友誼」。要與一位陌生人成為朋友不容易，更何況凝聚一群來自五湖四海，互不相識的人？Jeff接受《香港01》訪問時表示，出任金毛會版主逾十年除讓自己認識更多的朋友，亦令他更成熟、冷靜地處理群組內每一件的事情，十年的時間，Jeff又經歷過甚麼冷暖事呢？

狗狗回港後苦悶　續加入香港金毛會參與活動

上集講述Jeff於2003年從美國回流香港工作，因感到金毛犬DonDon回港後日子苦悶，沒有甚麼狗狗朋友，因此開始尋覓香港本地的金毛尋回犬群組，輾轉之下就認識了當時香港金毛會（HKGRC）版主並加入狗會，「起初入咗金毛會頭三年，我都係以Committee（群組成員）嘅角色去參與活動，間中都有開始幫下手協助狗會搞活動，過程入面我就開始識到好多狗朋友，DonDon個衰仔當時就最開心，無拿拿多咗咁多哥哥姐姐同佢玩，哈哈。」Jeff手舞足蹈說道。

相關文章：【上集】感激愛犬連繫婚姻　金毛會版主憶亡犬哽咽：是你令我長大

無心插柳下成為金毛會版主

Jeff加入了金毛會一段時間，由於當時狗會版主因私人理由希望辭去版主一職，因此邀請了Jeff出任下一任版主職務，從參與者一躍成為版主，Jeff表示初時經營金毛會對他而言甚具挑戰，「當時我真係唔太好熟悉點樣去舉辦一個成功嘅活動，所以有一段時間金毛會沒有任何活動，不過後來我好感恩有我老婆、家姐、同埋唔同金毛會成員嘅支持，最後都成功舉辦到一個過百隻金毛狗狗嘅聚會，我亦都好想藉此多謝當時有咁多狗會員支持我。」

相關文章：10句惹怒狗主的話！比髒話更難聽「你狗狗品種隨街都有十隻八隻」

身份特殊　面對罵戰要保持中立

香港金毛會現時於Facebook平台共有8500多名狗主會員，由於會員來自五湖四海，大家互不相識，有時會員在討論一些議題中，少不免會出現磨擦甚至罵戰，Jeff坦言因為身份特殊的關係，自己經常要保持立場中立，「早排有會員隻金毛走咗（離世），咁個主人就打算買隻新金仔返嚟，然後就打上Group話想將以前隻狗個名套返落新狗狗到，咁嘅事放上去討論梗係出事啦，不過於礙於自己係版主嘅角色，我唯一可以做嘅就係封鎖Post嘅留言區，為免傷和氣啦。」

相關文章：忠犬伴主人單身結婚到生仔　下場竟是安樂死！？

十年人事幾番新　因成員離開而感到唏噓

Jeff主持香港金毛會逾10年，他表示從群組得到的比失去更多，「喺群組入面我贏到好多段友誼，直到宜家有好多人我都當佢哋係我一生人入面嘅摯友，無佢哋我都未必可以留喺呢個群組10年嘅時間。」Jeff感慨說道。當記者問及10年的時間Jeff有否失去一些東西時，他立即患得患失表示，「最無奈就係有會員經歷罵戰或者狗狗仙遊之後，變得唔再活躍甚至『Quit Group』，每一次我見到有人離開我都好唏噓，好似從此就無咗個朋友咁，老實講我好珍惜群組入面嘅每一位，即使我哋唔係經常見面。」