【寵物行街街】黑膠碟製貓精品 手機殼、吊飾、襟章款款內含意義

撰文:胡巧欣
出版:更新:

對於不少年輕人來說,黑膠唱片是年代久遠的老古董,但對於手作品牌LUMDUMS來說,它的紋理、質感,以至其盛載內容,都代表著藝術。
90後貓奴Mayu利用黑膠唱片製作出寵物吊飾,把它帶到生活層面,成為聯繫寵主與寵物之間的橋樑。

→→→點擊購買寵物節2019門票←←←

(只支援手機購票,過程中需以電話號碼確認會員身份)

LUMDUMS在誠品書店內的專櫃。(受訪者提供)

賦予音樂以外的意義

一向喜歡逛夜冷的Mayu,經常看到舊黑膠唱片擺放在地上,她跟檔主了解過後,發現這些老舊的黑膠唱片最終會被回收。看著一張張曾極具價值的黑膠唱片被回收,她深感浪費,「即使丟喺垃圾筒,都未必有人想執。我本身都鍾意聽歌、儲黑膠碟,不如唔好嘥拎嚟整下嘢。」

相關文章:【寵物行街街】貓友熱搶聖誕扭蛋 戴上頭套萌貓秒變雪人
相關文章:【寵物行街街】劃一價12蚊 嚴選超抵狗狗散步用品

LUMDUMS最初以黑膠唱片製作音樂用品。(受訪者提供)

當時,Mayu在土瓜灣牛棚藝術村收養了一隻大肚浪貓,於是她靈機一觸,依照愛貓大肚的樣子把手作品牌取名為「LUMDUMS」。最初,Mayu利用黑膠唱片製作結他PICK,至後期才發展到吊飾、手機殼等用品:「音樂用品比較冷門,唔係咁多人可以用到,所以希望製作普羅大眾都可以使用嘅嘢,譬如飾物、手機殼。」

客製化手機殼,Mayu會按客人的要求繪畫圖案。(受訪者提供)
+2
佢有自己獨有嘅美,不過喺大家嘅認知入面,黑膠碟係音樂嘅載體。
LUMDUMS主理人Mayu
利用黑膠紋理而製成的MT紙膠帶。(受訪者提供)

黑膠唱片上的貓剪影

LUMDUMS製作的產品亦與貓有關,譬如手工貓項鍊,每款項鍊都以金或銀鉑襯托利用黑膠唱片切割而成的貓剪影,每個剪影都活龍活現,仿如真貓。問及Mayu如何透過剪影展現出貓的神髓,她認為剪影的動作、細節最重要,「譬如佢地舔手,點樣可以生動啲呢?真正推出之前,我哋會反復做好多個版,做到滿意為止。有時甚至影底貓嘅動作去做比較。」

Mayu家裡高峰時期養了4隻貓,包括LUMDUM和牠的孩子們,目前只剩下兩隻。她指出,「有啲好好笑嘅動作,都會帶到好多靈感畀我。」

黑膠唱片加上純金箔或925純銀箔手工打造的貓項鍊。(受訪者提供)
+2

而手工貓項鍊對Mayu的意義非淺,她指出:「我其中一隻貓因為癌病離開咗我,而貓項鍊對我嚟講好有紀念價值。」過去Mayu亦有接過客製訂單,把逝世貓隻身上的貓毛加進項鍊裡,「其實唔係好明顯,但係你會知道佢喺入面。」

文學聯乘系列

最近,LUMDUMS更製作了一系列以日本作家夏目漱石的《我是貓》為主題的黑膠擺設,更於誠品書店裡展示及出售,Mayu指出,「我好鍾意《我是貓》,所以揀咗書入面部份句子、意思,利用人手絲印嘅方式,製作咗一啲黑膠擺設。」Mayu對文學、音樂充滿興趣,希望日後可以製作更多相關的產品。

利用黑膠唱片製作的明信片。(受訪者提供)

天生購物狂,平日最鍾意試新嘢,擅長所有關於食、玩、買嘅話題。目標喺為大家搜羅全世界最抵買、最好用、最梳乎嘅產品同服務!
《香港01》寵物頻道記者Yanby
即Like【FB專頁】毛孩子:我們的故事!