警犬咩事被炒？ 仲好唔駛搵命搏 轉眼搵到份筍工
撰文：吳韻菁
出版：更新：
佢就係Gavel…因為太Cute，被人炒咗喇。恭喜晒，唔洗搵命搏做警犬！（Governor of Queensland fb）
不少國家都以德國牧羊犬或比利時牧羊犬作為警犬，因為牠們英姿颯颯，反應敏捷兼服從性高。
不過，這隻德國牧羊犬Gavel卻被辭退了警犬一職。牠原本是澳洲布里斯本的見習警犬，但在接受訓練期間被辭退了，原因係……佢太Cutie太友善喎。
昆士蘭洲長Paul de Jersey（左）非常喜歡Gavel。（Governor of Queensland fb）
鐘意陌生人𢱑肚腩
英國傳媒BBC報導，澳洲昆士蘭布里斯本一隻德國牧羊犬「Gavel」，由於他喜歡讓陌生人𢱑肚腩和抱抱，多過搜尋爆炸物和捉賊，終於領犬員決定免去牠16個月的警犬訓練，讓牠解甲歸田。當時Gavel約10週大，由於訓練期間要住在昆士蘭州州長官邸，昆士蘭洲長Paul de Jersey對Gavel一見鐘情，更決定為Gavel安排另一個更適合牠職位──「Vice-Regal Dog」。
正式上任前，洲長更安排Gavel簽署履新「合約」。Vice-Regal Dog即係做啲咩？合約上寫到明的了，Gavel的重任是歡迎遊客，即係PR公關狗囉！咁都幾好呀，至少「份工」安安全全，唔會有生命危險，薪高「糧」準，狗狗都係做這類工作比較開心！