自從沙灘浮床成為潮流，每逢夏天就會喺Instagram、Facebook見到各款天鵝、PIZZA、獨角獸等，要數近年最受歡迎應該是大便造型，想創新突圍而出？歐美有兩位設計師Andrew Greenbaum和Ian Felton正在Kickstarter眾籌集資，推出名為Pom Pom Floats的「棺材浮床」。
當你在海島或酒店泳池拿出來，相信會瞬間成為全場焦點。（圖片來源：pompomfloats） 驟眼望是否與充氣艇有點相似？其實浮床的尺寸都頗大，據兩位設計師描述其平衡力都唔錯㗎。（圖片來源：pompomfloats ＠IG） 外國人就相當受落，不過香港人就未必接受，畢竟棺材對華人來講比較不吉利。（圖片來源：andrew_greenbum @IG） 嫌粉紅色太女性化？根據Kickstarter顯示，呢款浮床會有黑色、粉紅色兩款選擇。（圖片來源：pompomfloats @IG） 黑色「棺材」望落就真喺有點死氣沉沉，不過百無禁忌，出海玩緊係要開心最重要。（圖片來源：Kickstarter.com） 棺材浮床造型精緻又創意，價錢就自然都有返咁上下，承惠USD120，約$840。（圖片來源：andrew_greenbum @IG） 另外，根據眾籌網Kickstarter的網站顯示，「棺材」會在2018年10月開始公開發售。（圖片來源：pompomfloats ＠IG） 2015年，DING DONG 宅配便就曾推出期間限定「時光機浮床」，當時叫價將近$1,500，雖然略貴，但仍然一發售就立即被搶購一空。（圖片來源：dingdongtakuhaibin.com） 大便EMOJI一向都是用家最愛之一，心動不用馬上行動，仲唔快啲帶埋去海島影相打卡呃LIKE。（圖片來源：lu_yip_ @IG） 就算唔出國旅行，噝香港搞船P或陽光與海灘，浮床一樣是不錯選擇。（圖片來源：chataignestyle @IG）