香港酒店優惠|半島劈價人均$505起 12間奢華食住優惠低至半價

撰文:梁采欣
出版:更新:

即將踏入7月,各大酒店繼續推出Staycation優惠,《香港01》旅遊頻道記者精選了12間奢華酒店的食住優惠,包括JW Marriott、St. Regis、Conrad、文華、Grand Hyatt、Sheraton、W酒店、Ritz Carlton、半島、Rosewood、Murray及四季酒店,部分住海景房兼送自助餐!
(下列優惠價錢及食宿套票詳情以發稿日為準,最終安排視乎個別零售商而定)

【1】半島酒店 —— 人均$505一晚

半島酒店繼父親節周末優惠後,再度推出超抵限時優惠,於6月26日至29日期間連續入住兩晚,第二晚免費。以$2020(未連服務費)就可以入住豪華客房兩晚,除開每人每晚只需$505,非常抵!

😍👇👇想知如何獲得優惠,立即按圖睇睇😍👇👇

半島酒店
地址:九龍梳士巴利道
電話:2920 2888

【2】Murray Hotel —— 住一晚包早晚下午茶三餐

美利酒店平時一晚要價七千多,今次推出超抵半價優惠,入住一晚即可免費升級至N1 Deluxe客房 (星期五及六入住)或N2 Grand客房 (星期日至四入住),同時包早餐、下午茶及The Tai Pan四道菜晚餐。

😍👇👇想知如何可以獲得優惠、入住和退房的時間,立即按圖睇睇😍👇👇

香港美利酒店
地址: 中環紅棉路22號
電話: 3141 8888

【3】JW Marriott酒店 —— 彈性時間check in

JW萬豪酒店推出食住優惠,住客可獲免費升級至海景客房,並可彈性入住,想幾點check in都得,而且可住足24小時。另外,是次優惠包埋自助早餐及$1000酒店餐飲消費額,亦可以選擇户外餐廳Fish Bar三道菜晚餐代替。

😍👇👇想知道如何獲得優惠及每晚房價,立即按圖睇睇😍👇👇

JW Marriott酒店
地址:香港島金鐘道88號太古廣場
電話:2810 8366

【4】The St. Regis酒店 —— 保證24小時住宿

The St. Regis為酒店集團巨頭Marriott旗下,今次推出的Staycation優惠,主打彈性check in時間,而且保證24小時住宿。入住尊貴豪華客房,包埋2杯雞尾酒和定制私人健身訓練。

😍👇👇想知今次食住優惠包幾錢餐飲消費額同每晚房價,立即按圖睇睇😍👇👇

The St. Regis酒店
地址:灣仔港灣徑 1 號
電話:2138 6888

【5】四季酒店 —— 75折住海景房

Four Season酒店推出夏日住宿優惠,以75折入住,可以免費升級至海景房,同時包The Lounge早餐,亦可以選擇Room Service。另外,住客可以獲得8折優惠用於The Lounge及Room Service。

😍👇👇想知每晚房價和酒店另一項貼心服務,立即按圖睇睇😍👇👇

四季酒店
地址:中環金融街8號
電話:3196 8888

【6】Conrad Hotel —— $2660包4餐住足27小時

港麗酒店推出極抵食住優惠,入住一晚即包4餐,包括雙人自助早餐、英式三層tea set、黃昏cocktail及Nicholini's 意大利餐廳或Brasserie on The Eighth 法國餐廳雙人4道菜晚餐,晚餐價值高達$1954。另外更可無限次入擁有維港靚景嘅Lounge,免費歎小食及飲品!

😍😍😍想知朝早幾點就可以check in,立即按圖睇睇😍😍😍

港麗酒店
地址:金鐘金鐘道88號
電話: 2521 3838

【7】Grand Hyatt —— 62折包自助晚餐

君悅酒店推出「Escape 24」住宿度假優惠,優惠除了包雙人早餐,更可享用意大利雙人晚餐、港灣壹號中菜廳晚餐或雙人自助晚餐(星期一至四)或兩位40分鐘身體按摩療程(星期一至四)。

以7月15日至16日為例,豪華海景客房為$2300一晚,加上價值$1513的中菜廳晚餐,總值$3813,而是次優惠為$2380,於原價相比,未計早餐已有62折!

😍😍😍想知每晚房價、優惠幾時完結,立即按圖睇睇😍😍😍

香港君悅酒店
地址:灣仔港灣道1號
電話:2584 7038

【8】Sheraton Hotel —— 免費升級至海景客房

喜來登酒店推出的Staycation優惠,住客可免費升級至海景客房,亦可享用咖啡廳雙人自助早餐。住客亦可獲贈$800酒店餐飲消費額,可用於米芝蓮推介的天寶閣中菜廳。另外亦可到頂層的sky lounge邊欣賞維港夜景邊享受免費迎賓飲品。預訂日期由即日起至2020年8月31日。

😍😍😍想知如何獲得優惠,立即按圖睇睇😍😍😍

香港喜來登酒店
地址:九龍彌敦道20號
電話:2369 1111

【9】W酒店 —— 住一晚自助早午餐買一送一

W酒店推出的夏日狂想住宿套餐,住奇妙客房一晚,包兩位用早餐、池畔酒吧黃昏白日夢兩位用套餐,包括W招牌雞尾酒。住客除了獲贈$500水療消費額,更可以買一送一的優惠價享用KITCHEN自助早午餐!

😍😍😍酒店還有一項貼心服務,立即按圖睇睇😍😍😍

W酒店
地址:西九龍柯士甸道西1號
電話:3717 2222

【10】Ritz Carlton —— 在全世界最高的酒吧歎雞尾酒

酒店推出Staycation優惠,入住豪華客房一晚($2899起)即可送The Lounge & Bar雙人早餐,還有全世界最高的酒吧Ozone的黃昏雞尾酒。入住期間可以8折享用Spa、天龍軒、Ozone等服務和美食,今次優惠期至2020年9月30日。

👇👇👇想知如何可以免費升級房間,立即按圖睇睇👇👇👇

香港麗思卡爾頓酒店
地址:西九龍柯士甸道西1號環球貿易廣場
電話:2263 2263

【11】文華東方酒店 —— 7折歎米芝蓮星級餐廳

文華東方酒店一晚通常要價$3000以上,這次推出的周末住宿優惠,城市景觀客房一晚低至$1963,同時可以7折優惠享受3間米芝蓮星級餐廳的美食,包括米芝蓮兩星的法國菜Pierre、米芝蓮一星的文華扒房和中菜文華廳,優惠非常罕有!

👇👇👇想知如何享受免費升級房間,立即按圖睇睇👇👇👇

+1

文華東方酒店
地址:中環干諾道中5號
電話:2522 0111

【12】香港瑰麗酒店 —— $1800元餐飲及SPA回贈

奢華5星級酒店品牌Rosewood酒店推出食住套票優惠,入住除了可以享用單程轎車接送服務,亦可享用盡覽維港景致的行政廊瑞閣 (Manor Club) 的設施。另外還附送適用於酒店餐廳及酒吧的$1000餐飲消費額及$800 Asaya消費額,享受美食和SPA等體驗。

👇👇👇在酒店lounge可享用哪些服務?立即按圖看看👇👇👇

+1

香港瑰麗酒店
地址:尖沙咀梳士巴利道 18 號
電話:3891 8888

💡同場加映:酒店床尾巾的用途💡

酒店房中有多個細節位令客人住得更舒適,大家有對各種用品的用途有幾多認識?不少人無法理解床尾巾的用途,亦不明白床上擺放多個枕頭的原因,其實酒店還有很多小細節以便利客人,到底你知道幾多?之前在用各種用品時又有沒有做錯?👇👇👇點擊圖片看酒店用品各種用途👇👇👇

想知道床尾巾有咩作用?立即觀看全文👉👉👉酒店房4個枕頭各有作用? 床尾巾你知道用處嗎?