【仔仔復仇記？】利市封多張金牛被小朋友撕碎　網民：撕殺8000蚊

正月十五元宵節終於可以拆利市，相信是大家最期待的日子，不過拆得興奮之餘，小心一同撕掉利市封內的紙幣，到時就真正見財化水。有網民前日（5日）在facebook群組「North District 北區」上載一張照片，當中有數個利市封及數張被撕掉的金牛紙幣，指當中8000元紙幣被兒子撕碎，形容這是「撕殺8000之『巴打想睇圖』」。

從相片可見，利市封有被撕過的痕迹，另有至少4張被撕至四分五裂的1000元紙幣，樓主表示還有4封利市也被撕掉，但由於「比較碎，我費事開啦」。對於網民以為該批利市屬於樓主的兒子，笑言「佢有權決定點用佢」，樓主隨即澄清「利市係我自己封㗎！」

網民看到照片當然食盡花生，笑稱「攞你命3000都無咁大威力」，又指「小朋友真係懂事，一早就知道金錢係萬惡嘅」、「識揀黎搣架喎，淨係揀金色一千蚊黎搣，有前途大有作為」；又有網民認為這是仔仔復仇記，「佢個仔諗住年年都呃佢，今年搣爛佢，大家都無！」

不過有人就建議樓主可到銀行更換，「只要有一組號碼砌得返」，而且有合理解釋就可以，亦有人稱曾被愛犬咬開500元紙幣，拿回銀行亦有得換，但有網民就揶揄「渣打、中銀、匯豐都有？你大獲啦，要排足三間銀行隊。」